Egill spyr: „Eru hvalir rétthærri en önnur dýr sem menn drepa án þess að hugsa út í það?“

Fjöl­miðla­mað­ur­inn Egill Helgason hefur alveg skoð­anir á hval­veiðum.

„Segi sem er að hval­veiðar eru eitt af þeim málum sem ég get haft margar og and­stæðar skoð­anir á, jafn­vel í einu, svona líkt og skóg­rækt og afglæpa­væð­ing fíkni­efna.“

Bætir því við að „það eru t.d. ágæt rök að veiða ekki hvali ef hvala­skoðun er miklu aðr­bær­ari atvinnu­grein. Bestu rökin fyrir því að veiða þá ekki er auð­vitað ef stofnar eru í útrým­ing­ar­hættu. En gefum okkur að svo sé ekki, að nóg sé af hvala­teg­und­inni sem veiða á, hvernig mótar þá specisismi eða teg­und­ar­hyggja afstöðu okkar?“

Egill segir að „almennt er mönnum verr við að drepa stór dýr en smá. Eru hvalir vegna stærðar, útlits, greindar eða ein­hvers ann­ars rétt­hærri en önnur dýr sem menn drepa án þess að hugsa út í það – hænsn, svín, sauðfé?“

Segir að end­ingu:

„Í þessu sam­hengi má nefna þá stað­reynd að við menn­irnir höfum brotið undir okkur dýra­teg­undir með þeim afleið­ingum að ein­ungis sex pró­sent af sam­an­lagðri þyngd spen­dýra í heim­inum eru villt. Það er skelfi­leg til­hugsun í raun.

Skuld okkar við nátt­úr­una er ógn­ar­stór.“