2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Hraunað yfir ofurfyrirsætu á Instagram

Ofurfyrirsætan Chrissy Teigen birti ofboðslega krúttlega mynd af sér og börnunum sínum tveimur, Lunu og Miles, á Instagram í gær.

Á myndinni sést Chrissy halda á börnunum, en hvorugt barnið virðist vera neitt sérstaklega sátt við myndatökuna, eins og Chrissy skrifar í raun sjálf við myndina:

„Ætti ég að birta myndina þar sem ég virðist ekki halda við höfuð hans en ég lít vel út og Luna nennir þessu ekki, myndina þar sem ég styð við höfuð hans en ég lít þokkalega út og Luna nennir þessu ekki eða myndina þar sem hann er grátandi og ég lít vel út og Luna nennir þessu ekki?”

AUGLÝSING


Margir taka þessum myndatexta afar vel og hrósa Chrissy fyrir að vera ávallt svo hrein og bein. Aðrir gera sér hins vegar mat úr myndinni sjálfri, án þess að lesa myndatextann að virðist, og fordæma myndbirtinguna harkalega.

„Af hverju er þetta barn úti í sólinni svona? Þess vegna grætur hann,” skrifar einn notandi Instagram við myndina, og vísar þá í að sólin skíni beint á andlit Miles. Ofurfyrirsætan svarar notandanum fullum hálsi, með hæðni að vopni:

„Hann sagði mér að hann elskaði þetta.”

Fleiri athugasemdir í sama dúr er að finna við myndina og virðist Chrissy vera í fullri vinnu við að slá á létta strengi í svörum sínum til fólks.

Það er skemmtilegt að skanna athugasemdirnar við myndina frægu.

Chrissy er gift tónlistarmanninum John Legend, en þau kynntust árið 2007 við tökur á tónlistarmyndbandi hans við lagið Stereo. Þau eignuðust dótturina Lunu í apríl árið 2016 og soninn Miles í maí á þessu ári.

Ekki missa af þessum

Annað áhugavert efni

Nýjast á Mannlíf.is