Fimmtudagur 18. júlí, 2024
11.8 C
Reykjavik

Birgir Sævarsson: „Ég baðst fyrirgefningar og afsökunar á að hafa eyðilagt þennan vinskap“

VefTv

- Auglýsing -

Hlaðvörp

- Auglýsing -

Birgir Sævarsson tónlistarmaður hefur undanfarin þrjú ár verið í nauðvörn vegna ásakana um að hafa brotið gegn þremur konum. Honum var sagt upp störfum í Foldaskóla þar sem hann starfaði sem tónmenntakennari, í framhaldi af ásökunum og fékk ekki lengur vinnu sem tónlistarmaður. Honum var slaufað. Í haust var hann sýknaður fyrir Landsrétti. Áður hafði tveimur málum verið vísað frá. Birgir segir sögu sína í fyrsta sinn í viðtali við Reyni Traustason í hlaðvarpi Mannlífs. Hann reyndi í tvígang að taka líf sitt.

Í viðtalinu spyr Reynir út í þriðju ásökunina á hendur Birgis en það er eina málið sem tekið var fyrir dómi en var hann sýknaður í því máli. Í málinu er hann sakaður um að hafa nýtt sér ölvunarástand náinnar vinkonu sinnar og haft við hana samræði án hennar samþykkis. Birgir heldur því fram að þau hefðu bæði verið drukkin og stundað kynlíf með samþykki beggja, allt þar til hún vildi það ekki lengur. Sendi hann henni afsökunarbeiðni í Facebook-skilabopum, sem lögð voru fyrir dómara í málinu.

„Ég man nú ekki hvernig ég orðaði þetta en ég baðst að minnsta kosti fyrirgefningar og afsökunar á að hafa eyðilagt þennan vinskap. Þennan ómetanlega vinskap sem við áttum. Að hafa farið svona yfir línuna, að svíkja vin minn. Ég man ekki hvenær ég sendi þetta, hvort það var vikum eða mánuðum seinna, ég er auðvitað að fara 14 ár aftur í tímann í hausnum. Þetta er sem sagt einhverju seinna sem ég er að senda þetta og ég bara „ok, við verðum greinilega ekki aftur vinir, þannig að alla vega get ég beðist afsökunar á því“. En það er svo tekið úr samhengi þegar dómurinn féll í fyrra. Þá var þetta hæpað mikið upp finnst mér. Og ég missi enn fleiri vini út frá því. Að hafa beðist afsökunar á þessu. Fólk er að taka því þannig að ég hafi verið að biðjast afsökunar á að hafa brotið á henni.“

Viðtalið birtist í heild sinni opið klukkan 20:00 annað kvöld hér á Mannlíf.is en hægt er að nálgast það í áskrift hér.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -