Brotist var inn í bifreið í Ármúla á háannatíma í gær.
Starfsmaður í Ármúlanum í Reykjavík varð fyrir því óhugnalega atviki að brotist var inn í bíl hennar beint fyrir utan vinnustað hennar um hábjartan dag. Segir hún í samtali við Mannlíf segist hún telja að brotist hafi verið inn í bílinn á milli 14 og 17 í gær. Sagði hún að innbrotið hafi gerst fyrir utan glugga samstarfsfélaga hennar sem eru á annarri hæð en þeir hafi ekki tekið eftir neinu.
Í samtali við Mannlíf sagði hún að engu hafi verið stolið en allt hafi verið úti um allt í bílnum, skjöl, passamyndir barnanna og fleira sem geymt hafði verið í hanskahólfinu sem og hliðarhólfi en bæði hólfin voru galopin. „Þetta var mjög óhugnaleg aðkoma,“ sagði hún í samtali við Mannlíf.
Verkfæri upp á fleiri hundruð þúsund krónur eru í bílnum en telur hún einstaklinginn ekki hafa haft nægan tíma til að taka þau enda gatan sem bílnum er lagt við, afar fjölfarin. Konan sagðist aðspurð ekki hafa hringt í lögregluna enda engu stolið.
Athugasemdir