Miðvikudagur 17. júlí, 2024
12.8 C
Reykjavik

Galli í gufubaði kostar Reykjavíkurborg tugi milljóna

VefTv

- Auglýsing -

Hlaðvörp

- Auglýsing -

Talið er að kostnaður sem Reykjavíkurborg þarf að standa undir verði á bilinu 20 til 25 milljónir vegna viðgerðar á gufubaði í Sundhöll Reykjavíkur en ástæðan á viðgerðunum sögð vera galli í fyrri uppsetningu. Gufubaðið hefur verið lokað síðan í janúar.

„Það var einhver galli í fyrri framkvæmdum eða fyrri uppsetningu á gufubaðinu sem þurfti að leiðrétta. Það þurfti að hreinsa allt út og setja upp alveg nýtt gufubað. Það tók tíma, því miður, að ganga frá öllum samningum og fá nauðsynlegt efni til landsins,“ sagði Snorri Örn Arnaldsson, forstöðumaður Sundhallarinnar, við RÚV um málið.

Reiknað er með að gufubaðið opni aftur í ágúst. „Við viljum frekar að þetta sé vandað en að við flýtum okkur um of,“ sagði Snorri. Miklar tafir hafa verið á framkvæmdir en upphaflega stóð til að þeim yrði lokið í fyrri hluta júní. Þá er þetta ekki fyrsta sinn sem þarf að loka gufubaðinu vegna viðgerða en samkvæmt RÚV var því lokað árið 2018 eftir að flísar hrundu úr þaki þess.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -