Mánudagur 15. júlí, 2024
11.8 C
Reykjavik

Hlaðgerðarkot rak andlega veikan mann úr meðferð – Ekkert pláss á geðdeild

VefTv

- Auglýsing -

Hlaðvörp

- Auglýsing -

Ungur vistmaður var rekinn af meðferðarheimilinu Hlaðgerðarkoti, án þess að hafa brotið þar reglur. Maðurinn þjáist af geðhvarfasýki og er í oflæti (e. Mania), sem er sögð trufla aðra vistmenn meðferðarheimilisins.

Maðurinn er fíkniefna- og áfengissjúklingur en var búinn að vera edrú í þrjú og hálft ár, og varð faðir fyrir ári síðan en veiktist fljótlega eftir fæðinguna. Féll hann svo í miðju oflætiskasti og hefur leiðin verið niður á við síðan. Maðurinn fór inn á geðdeild Landspítalans í afeitrun en átti svo að dvelja í þrjá mánuði á meðferðarheimilinu Hlaðgerðarkot. Sú dvöl varð þó ekki lengri en þrjár vikur en hann var rekinn þaðan í fyrradag. Að sögn sambýliskonu hans sem Mannlíf ræddi við, braut hann engar reglur á heimilinu, heldur hafi móðir hans verið beðin að sækja hann, þar sem hann gæti ekki lengur dvalið á Hlaðgerðarkoti því oflæti hans væri óþægileg öðrum vistmönnum. Sambýliskona mannsins var ekki látin vita, heldur móðir hans, sem að sögn barnsmóðurinnar, er brot á persónuverndarlögum, því móðir mannsins er ekki skráð sem nánasti aðstandandi hans. Var móðurinni bent á að hún gæti skutlað honum inn á geðdeild í staðinn en þegar þangað var komið, fékk maðurinn synjun um vistun vegna plássleysis. Nú dvelur maðurinn í miðju oflætiskasti heima hjá bróður sínum. Ætlar hann sér að gera aðra tilraun til að fá pláss á geðdeild.

Mannlíf sendi tölvupóst á Elínborgu Líndal, forstöðukonu á Hlaðgerðarkoti, þar sem hún er spurð út í málið og almenna starfshætti meðferðarheimilisins. Hvort vaninn sé að reka andlega veika vistmenn úr meðferð, séu þeir til óþæginda. Önnur spurning snéri að því hvort enginn geðheilbrigðisstarfsmaður starfi á Hlaðgerðarkoti. Þá var hún einnig spurð út í meint brot á persónuverndarlögum er haft var samband við móður mannsins og henni gefnar upplýsingar um geðheilsu hans, í stað þess að heyra í hans nánasta aðstandanda, sambýliskonu hans. Enn hafa engin svör borist.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -