Yfir næstu jólahátíð er útlit fyrir að yfir fimm þúsund Íslendingar verði á Tenerife að njóta lífsins. Nú þegar eru 32 flug skipulögð þangað á vegum íslensku flugfélaganna og ferðaskrifstofa.
Það er Túristi sem tók saman tölfræði um ferðaframboð hér á landi til Tenerife yfir jól og áramót. Þar kemur fram að fyrir jólin verði 20 flugferðir í boði hjá Icelandair til Tenerife, dagana 13. til 23. desember. Við þetta bætast svo að minnsta kosti 6 flug frá Play og tvær ferðir frá Niceair, beint frá Akureyri.
Þá eru bara taldar upp þær flugferðir sem í boði verða og við þetta má bæta ferðir á vegum ferðaskrifstofanna Ferðaskrifstofa Íslands, sem rekur Heimsferðir og Úrval-Útsýn og verður með fjórar ferðir til Tenerife fyrir jólin, og Vita, dótturfélags Icelandair.
Það er því ljóst að Íslendingar koma til með að setja sterkan svip á hátíðirnar á eyjunni fögru þegar þeir fylla þessar 32 vélar frá Íslandi.