Kristrún Frostadóttir, formaður Samfylkingarinnar, segir ríkisstjórnina vera bregðast í heilbrigðismálum.
Formaðurinn gerir sér mat úr áformum ríkisstjórnarinnar en hún segir að það sé ekki til fjármagn fyrir fjölgun hjúkrunarrýma sem ríkisstjórnin hefur lofað. Kristrún segir líka að fjármagn til heimahjúkrunar hafi staðið óhreyft í 15 ára sem hlutfall af landsframleiðslu. Þá sé kominn tími til að tala minna og gera meira.
„Þegar bent er á að áætlanir ríkisstjórnarinnar um fjölgun hjúkrunarrýma séu hvorki fullnægjandi né fjármagnaðar þá er vísað til þess að lausnin felist hvort eð er í aukinni heimahjúkrun. Það er rétt að hluta — en það er líka búið að tala um þetta árum saman núna,“ segir Kristrún í pistli á sem birtist á Vísi.
„Staðreyndin er hins vegar sú að fjármagn til heimahjúkrunar hefur staðið óhreyft í 14 ár sem hlutfall af landsframleiðslu — eða frá árinu 2009. Þrátt fyrir öldrun þjóðar. Og þrátt fyrir að þessi liður eigi að vera grunnstoðin í umönnun eldra fólks og draga úr þörf fyrir uppbyggingu á hjúkrunarrýmum. Þetta kemur fram í svari heilbrigðisráðherra við fyrirspurn minni um eflingu heimahjúkrunar. Þá halda framlög til heimahjúkrunar ekki í við verðbólgu samkvæmt nýbirtum fjárlögum fyrir árið 2024.
Ég stóð fyrir sérstakri umræðu um þessi mál á Alþingi í gær. „Mér finnst við undanfarin tíu ár alltaf vera að tala um sömu hlutina,“ sagði einn þingmaður Sjálfstæðisflokksins af því tilefni og lagði svo áherslu á mikilvægi aukinnar heimahjúkrunar. Nú þarf að tala minna og gera meira.“