Líkamsárás í Hlíðunum en þolandi brást undarlega við

Lögregla var kölluð út í nótt vegna líkamsárásar í Hlíðunum. Einn maður var handtekinn á vettvangi en þolandi harðneitaði fyrir að fara á bráðamóttöku þrátt fyrir áverka. Síðar um kvöldið barst lögreglu tvisvar sinnum tilkynning vegna þjófnaðar úr verslun í Kópavogi. Málin voru bæði afgreidd á vettvangi. Þriðja tilkynninginn vegna þjófnaðar kom stuttu síðar en þar hafði munum verið stolið úr búningsklefa í miðbænum.

Í sama hverfi sinnti lögregla útkalli vegna umferðarslyss. Minniháttar eignatjón varð á bifreiðum en sem betur fer urðu engin slys á fólki. Þá sinnti lögregla reglubundnu umferðareftirliti og stöðvaði meðal annars tvo ökumenn. Annar hafði ekið of hratt en hinn var undir áhrifum fíkniefna.