Laugardagur 28. janúar, 2023
2.1 C
Reykjavik

Logi rýfur þögnina á Facebook: „Þetta góða fólk getur fundið sér einhver önnur vandamál“

Helgarviðtalið

- Auglýsing -

Orðrómur

- Auglýsing -

Logi Bergmann fjölmiðlamaður hefur í ár látið lítið fyrir sér fara á samfélagsmiðlum. Það er engin furða þar sem hann hóf árið með því að skrifa færslu sem hófst svo: „Ég er saklaus af þeim sökum sem á mig hafa verið bornar undanfarna daga.“

Þar vísaði hann að sjálfsögðu til ásakana Vítal­íu Lazareva sem sakar hann, ásamt öðrum, um kynferðislegt áreyti og misnotkun í hennar garð. Því máli er ekki lokið en ljóst er að dómsvöld vinna hægt á Íslandi.

Nú í kvöld skrifar Logi þó fyrstu stöðufærsluna á Facebook í langan tíma. Hún er þó á léttum nótum, eins og hans er háttur, en Logi gerir stólpagrín að samfélagsmiðlinum Linkedin.

Logi skrifar: „Ég hef aldrei alveg skilið Linkedin. Það er svona eins og Facebook fyrir fullorðið fólk í vinnu sem er kannski að leita að annarri vinnu. Það er fullt af merkilegu dóti þar en ég gleymi því oft. En fólkið hjá Linkedin hefur ekki gleymt mér og sendir mér reglulega tölvupósta og bendir mér á fólk sem ég ætti endilega að tengjast.

Síðasta hálfa árið hefur þetta góða fólk algjörlega verið með það á heilanum að ég verði að tengjasst einum af bestu trommurum landsins. Á þessum tíma hef ég fengið á annan tug tölvupósta um að ég ætti endilega að kynnast Sigtryggi Baldurssyni.

Það er skemmst frá því að segja að ég bauð honum að tengjast mér og hann féllst á það. Þannig að þetta góða fólk hjá Linkedin getur fundið sér einhver önnur vandamál.

- Auglýsing -

Og takk Sigtryggur!“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -