Tveir af þremur sonum Eddu Bjarkar Arnardóttur eru fundnir en mbl.is greinir frá þessu. Þá var systir Eddu handtekin en hún og synirnir voru í bíl systur Eddu þegar þeir fundust og hefur sonum Eddu verið komið í umsjá barnaverndar. Lögmaður Eddu var svo í framhaldinu handtekinn.
Í sumar var farið fram á handtökuskipan yfir Eddu og að hún yrði framseld til Noregs en hún var grunuð um að hafa rænt börnum sínum af föður þeirra, en hann býr í Noregi. Saman eiga þau fimm börn en dómstólar höfðu dæmt föðurnum, sem er íslenskur, forsjá yfir þremur yngstu drengjunum. Edda neitaði að skila drengjunum og fór með þá í felur. Réttarhöld yfir Eddu fara nú fram í Noregi og hefur saksóknari þar í landi farið fram á að hún verði dæmd í 17 mánaða fangelsi.
Uppfært: Allir synir Eddu eru fundnir og á leið til Noregs með föður sínum.