Þriðjudagur 16. júlí, 2024
11.8 C
Reykjavik

Margeir sakaður um kynferðislega áreitni gagnvart ungri lögreglukonu

VefTv

- Auglýsing -

Hlaðvörp

- Auglýsing -

Í Kastljósi fyrr í vikunni var fjallað um karlmann í valdastöðu hjá lögreglunni sem hafði verið sakaður um að hafa áreitt samstarfskonu sína kynferðislega um margra mánaða skeið. Þá er maðurinn einnig sagður hafa sýnt af sér ofbeldisfulla hegðun sem olli lögreglukonunni bæði ótta og vanlíðan. Vísir greindi frá því í gær að karlmaðurinn sem um ræðir er Margeir Sveinsson aðstoðaryfirlögregluþjónn.

Margeir hefur verið í stjórn miðlægrar rannsóknardeildar hjá lögreglunni undanfarin ár og komið að rannsókn stærstu glæpamála á Íslandi síðustu ár. Grímur Grímsson er í dag yfirlögregluþjónn miðlægrar rannsóknardeildar. Margeir var sendur í leyfi frá störfum í september síðastliðnum en alls hafa fimm mál, er varða kynferðislega áreitni, verið til skoðunar hjá embættinu það sem af er ári.

Þá kemur fram í frétt Vísis að tæplega þrír áratugir séu á milli Margeirs og lögreglukonunnar en óskaði hún eftir flutning á aðra starfstöð sem fallist var á. Margeir er meðal annars sakaður um að hafa sent konunni stöðug skilaboð á samfélagsmiðlum og þvingað hana til þess að taka á móti sér á heimili hennar seint um kvöld. Margeir er sagður starfa í dag á skrifstofu Höllu Bergþóru Björnsdóttur lögreglustjóra á höfuðborgarsvæðinu. Mannlíf hefur reynt að ná tali af Höllu án árangurs.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -