„Erum við raunverulega að segja að eina tilboðið sem við viljum gera eins árs gömlum börnum sé heils dags leikskóli?“ spyr Margrét Pála Ólafsdóttir, stofnandi Hjallastefnunnar, sem vill sjá breytingar hjá Íslendingum. Mikil atvinnuþátttöku kvenna utan heimilis sé ein af ástæðum þess að íslenskt samfélag sé komið í öngstræti.
„Allir eru farnir út að vinna, karlar og konur, frá eins árs eða yngri börnum og við erum komin í öngstræti að mínu mati,“ segir Margrét Pála og hefur hún áhyggjur af löngum aðskilnaði ungra barna frá fjölskyldum sínum.
„Fólk á Íslandi vinnur of mikið og of lengi; eitthvað verður undan að láta og ég auglýsi eftir betri hugmyndum, til dæmis að fólk hafi val um að senda barn á leikskóla eða að fá heimagreiðslu, eða fjölskyldugjald, frá sínu sveitarfélagi. Ég hugsa að fjölmargir myndu kjósa það enda eru ekki allar konur að hlaupa á eftir spennandi og vel launuðum störfum,“ segir Margrét.