Miðvikudagur 22. júní, 2022
7.8 C
Reykjavik

Neytendasamtökin vara við sjö fyrirtækjum: „Þangað til verða þau í skammarkróknum“

Helgarviðtalið

- Auglýsing -

Orðrómur

- Auglýsing -

Neytendasamtökin vara neytendur við sjö fyrirtækjum í tilkynningu á vefsíðu samtakanna í dag. Ástæðan er að umrædd fyrirtæki hafa valið að hlíta ekki úrskurðum Kærunefndar vöru- og þjónustukaupa þegar nefndin hefur úrskurðað neytendum í vil í ágreiningsmálum.

Kærunefnd vöru- og þjónustukaupa tekur á kvörtunum neytenda í garð seljenda. Hún er skipuð fulltrúum atvinnulífsins, neytenda og ráðuneytis.

„Á undanförnum tveimur árum hefur nefndin úrskurðað í vel á annað hundrað málum, þar af neytendum í vil að hluta eða að fullu í 65 málum,“ segir í tilkynningunni.

 

Neytendur ekki lagt á sig dómstólaleiðina

Þessi sjö fyrirtæki sem Neytendasamtökin vara nú neytendur landsins við eiga það sameiginlegt að hafa ekki unað úrskurðum nefndarinnar í kærumálum neytenda. Í flestum tilvikum er um of lága upphæð að ræða til þess að neytendur fari með málin fyrir dómstóla, „þrátt fyrir að þau ynnust að líkindum.“ Í tilkynningunni segir að upphæðirnar séu allt frá nokkrum tugum þúsunda upp í fáein hundruð þúsunda.

 

- Auglýsing -

Fyrirtækin sem um ræðir eru:

Ferðaskrifstofa Íslands ehf.

Ormsson ehf.

- Auglýsing -

CC Bílaleiga ehf.

Matfasteigna ehf.

Geri Allt slf.

Camper Iceland ehf.

GC ehf.

 

Hugsanlega tilefni til að koma á smákrafnarétti

Í tilkynningunni er því velt upp hvort ekki sé tilefni til þess að koma á smákrafnarétti (e. Small Claims Court) á Íslandi, „sem fyrirtæki yrðu að hlíta, eða auðvelda fólki að sækja rétt sinn á annan hátt.“

Nöfn fyrirtækja sem ekki hafa unað úrskurði nefndarinnar eru birt á lista Neytendasamtakanna í eitt ár en eftir það hverfa þau af honum.

„Samtökin hvetja forsvarsmenn fyrirtækjanna að fara tafarlaust að úrskurðum kærunefndarinnar. Þangað til verða þau í skammarkróknum,“ segir í tilkynningunni.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -