Pétur Ágústsson, skipstjóri og athafnamaður í Stykkishólmi er látinn, 77 ára að aldri.
Skipstjórinn og athafnamaðurinn Pétur Ágússon lés á Landspítalanum við Hringbraut þann 14. janúar síðastliðinn, 77 ára að aldri.
Samkvæmt Mbl.is fæddist Pétur í Flatey á Breiðafirði 25. mars 1946 en hann var þriðja barn hjónanna Ágústar Péturssonar skipstjóra og Ingveldar Stefánsdóttur húsmóður. Stofnuðu þau heimili í Flatey en bjuggu lengst af í Stykkishólmi. Alls átti Pétur fimm systkini.
Eiginkona Péturs er Svanborg Siggeirsdóttir en þau kvæntust 20. júní 1970. Áttu þau hjónin fjögur börn.
Auk sjómennskunnar, sem hann stundaði í rúm 60 ár, stofnuðu þau hjónin, ásamt bróður Péturs, Eyþóri, skemmtibátaútgerðina Eyjaferðir, sem síðar breyttist í Sæferðir ehf. Þá sat hann í bæjarstjór Stykkishólms í átta ár, auk þess sem hann gengdi ýmsum félagsstörfum.
Árið 2009 var Pétur sæmdur riddarakrossi hinnar íslensku fálkaorðu fyrir frumkvæði í ferðaþjónustu. Þá fékk hann heiðursorðu sjómannadagsins og hjónin fengu svo viðurkenninguna Höfðinginn: Viðurkenningu í ferðaþjónustu á Vesturlandi.
Pétur verður jarðsunginn frá Stykkishólmskirkju laugardaginn 10. febrúar næstkomandi og hefst athöfnin kl. 14.
Mannlíf sendir ættingjum og vinum Péturs innilegar samúðarkveðjur.