Sunnudagur 19. maí, 2024
4.8 C
Reykjavik

Segir þetta rétta tímann til að útrýma stéttaskiptingu

VefTv

- Auglýsing -

Hlaðvörp

- Auglýsing -

Helga Vala Helgadóttir, þingmaður Samfylkingarinnar, segir að nú í miðjum heimsfaraldri sé kjörið tækifæri að staldra við og skoða hvað betur mætti fara í íslensku samfélagi. Hún spyr hvernig samfélag landsmenn vilji reka.

„Við stöndum á tímamótum og eigum við að nota þetta kærkomna tækifæri til að fara
í sjálfsskoðun. Hvernig samfélag viljum við reka hér á okkar fallegu, gjöfulu en á stundum harðbýlu eyju,“ skrifar Helga í pistil sinn sem birtist í Morgunblaðinu. Hún segir nýiðinn vetur hafa verið krefjandi af ýmsum ástæðum og varpað ljósi á „ójafnræði“ sem ríkir í landinu.

„En við höfum líka verið ítrekað minnt rækilega á það að við sitjum ekki öll við sama borð þegar kemur að lífsgæðum. Augu okkar hafa verið opnuð ítrekað fyrir því ójafnræði sem er viðvarandi í okkar ríka landi,“ skrifar Helga.

Hún segir að nú þurfi allir að leggjast á eitt og að þetta sé rétti tíminn til að auka jöfnuð og útrýma stéttaskiptingu.

„Við þurfum öll á þessum tímamótum að koma í veg fyrir hugsunina um að nú verði
bara hver að hugsa um sig og efla hugsunina um hvernig við saman hámörkum gæðin og
árangur aðgerða fyrir heildina. Nú er kjörið tækifæri til þess að auka jöfnuð, útrýma
stéttaskiptingu og tryggja að enginn, ungur sem gamall, búi við fátækt eða vanvirðandi aðstæður. Þegar við þurfum á stuðningi að halda þarf okkar sameiginlega stuðningsnet að vera þannig úr garði gert að það geti gripið okkur og skilji engan eftir. Við getum það alveg, en til þess þarf pólitískan vilja,“ skrifar Helga sem trúir að þetta sé vilji meirihluta landsmanna.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -