Sigurjón Þórðarson, fyrrverandi þingmaður Frjálslynda flokksins, segir í pistli sem birtist á Facebook að síðasta vígi þeirra sem eru á móti pólitískum rétttrúnaði sé fallið. Nú sé Sjálfstæðisflokkurinn þar fremstur í röð. Sigurjón segist samþykktir landsfundar allar bera það með sér að flokkurinn sé orðinn „woke“.
Hér fyrir neðan má lesa pistil Sigurjóns í heild sinni
Það kom mér ýmislegt á óvart þegar ég las ályktnair málefnanefnda Sjálfstæðisflokksins frá síðasta landsfundi. Ég á þá alls ekki við að flokkurinn vilji áfram standa vörð um sérréttindi útgerðaraðalsins á meðan samþykkt var að taka af hörku á sérleyfismálum leigubílstjóra.
Það sem mér kom á óvart hreint út sagt var hve samþykktir málefnahópa endurspegluðu mikinn pólitískan rétttrúnaða eða dyggðasýningu sem kallað er á ensku Woke.
Flokkurinn boðar ekki aðeins að efla hinegin fræðslu í leikskólum heldur á að skylda ríki og öll sveitarfélög landsins að tryggja eigi öllu starfsfólki sínu hinsegin fræðslu! Fólk á að vera frjálst að því að skilgreina kyn sitt og þá eflaust að velja sér snyrtingar og búningsherbergi í samræmi við sína upplifun.
Ekki ber á öðru en að Sjálfstæðisflokkurinn vilji lögleiða fíkniefni í smáum skömmtum sem nú eru ólögleg á borð við kókaín og kannabis. Sjálfstæðisflokkurinn heitir því að fjölga til mun kvótaflóttamönnum og jú galopna landið fyrir öllum jarðarbúum sem geta komið sér í vinnu og eru með hreint sakavottorð.
Sannast sagna þá gæti ég trúað því að samþykktir flokksins gangi betur í íslenska Twitter samfélagið en kjósendur flokksins en mögulega er ég að misskilja það?