Systir Eddu Bjarkar Arnardóttur steig fram í dag og skrifaði pistil systur sinni til stuðnings. Edda Björk var handtekin á þriðjudagskvöldið og er hún enn í haldi lögreglu. Systir Eddu segir hana hafa mátt þola óréttlæti en synir hennar, sem lýst hefur verið eftir, eru enn ófundnir. Faðir þeirra sem búsettur er í Noregi fer með forræði þeirra og hafa bæði norskir og íslenskir dómstólar úrskurðað að drengirnir þrír skuli verða sendir til föður síns.
„Hún missti forræðið yfir börnunum sínum í Noregi í rettarhöldum sem hún fékk ekki að taka þátt í! Það voru sem sagt réttarhöld þar sem hún var ekki boðuð né veittar upplýsingar um þar sem greinagerð frá lögmanni föðurs var lögð fram var það eina sem tekið var til greina. Ekkert lagt fram til sönnunar á því að það sem þar stóð væri satt. Enda flest í þessar greinagerð annað hvort hreinlega ósátt eða miklar ýkjur.
Lögin sem voru notuð til að staðfesta þetta eru ekki notuð í Noregi nema þegar um ræðir börn sem eru hreinlega í lífshættu af því að umgangast foreldri sitt.
Í engu réttarríki ætti þetta að vera hægt,“ segir systir Eddu og bendir á að gögn séu til um það þar sem foreldrarnir hafi verið metin jafnhæf. Þá hafi Edda unnið forræðismál gegn barnsföður sínum á Íslandi og hafi forræði yfir dætrum þeirra.