Þriðjudagur 16. júlí, 2024
9.1 C
Reykjavik

Upp úr sauð hjá yfirkokki Litla Hrauns: „Þeir verða allir að líða fyrir þetta frumhlaup“

VefTv

- Auglýsing -

Hlaðvörp

- Auglýsing -

Ólga var á milli fanga á Litla Hrauni og yfirkokksins árið 1999 þar til upp úr sauð.

Eftir að fangar á Litla Hrauni höfðu farið í fjölmiðla árið 1999 og kvartað opinberlega yfir matnum í fangelsinu, fékk yfirkokkurinn, Andrés Terry Nilsen nóg. Fór hann því í fýlu og tilkynnti í DV að hann væri hættur að fara í innkaupaferðir fyrir fangana eftir vinnu. Voru fangarnir víst vanir að biðja kokkinn um þann greiða að versla fyrir þá í kaupfélaginu á Selfossi, sem hafði gert það samviskusamlega. Allt þar til upp úr sauð.

Hér má lesa frétt DV um málið á sínum tíma:

Ókyrrðin magnast í eldhúsinu á Litla-Hrauni: Hættur að sendast fyrir fangana

 

Yfirkokkurinn

„Ég er hættur að sendast í kaupfélagið á Selfossi fyrir fangana. Ég hef reynt að gera allt fyrir þessa menn og þetta eru þakkirnar; þeir hlaupa í fjölmiðla og segjast ekki fá nóg að borða,“ segir Andrés Terry Nilsen, yfirkokkur á Litla Hrauni. „Þeir voru vanir að koma til mín með langa innkaupalista og ég stóð síðan eins og álfur í kaupfélaginu eftir vinnu að uppfylla óskir þeirra.“ Ókyrrðar hefur gætt meðal fanga á Litla-Hrauni eftir að yfirkokkurinn hætti að sendast fyrir þá í kjölfar blaðaskrifa um fæðið í fangelsinu. Á Litla-Hrauni eru flmm litlir eldhúskrókar sem fangar geta notað til að elda sjálfir þegar þannig liggur á þeim. Hafa þeir sótt stíft í yfirkokkinn sem fram til þessa hefur reynt að sinna óskum þeirra. „Þeir voru alltaf að biðja mig um að kaupa nauta- og lambalundir og ýmis framandi krydd, en það geri ég ekki lengur eftir þakkirnar sem ég fékk í blöðunum um daginn. Þeir verða allir að líða fyrir þetta frumhlaup. Fangarnir hérna fá meira en nóg að borða,“ segir Andrés Terry yfirkokkur og bætir því við að Litla Hraun sé ekkert hótel þó sumir fanganna virðist halda það.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -