Þriðjudagur 23. júlí, 2024
9.8 C
Reykjavik

Veður í Bjarna: „Sama lélega afvegaleiðing og ráðherra notaði þegar hann seldi pabba sínum banka.“

VefTv

- Auglýsing -

Hlaðvörp

- Auglýsing -

Björn Leví Gunnarsson er afar ósáttur við nýju sendiherraskipun Bjarna Benediktssonar utanríkisráðherra.

Ekki eru allir sáttir við þá ákvörðun Bjarna Benediktssonar að skipa fyrrverandi aðstoðarmann sinn, Svanhildi Hólm Valsdóttur, sem tímabundinn sendiherra í Bandaríkjunum. Í færslu á Facebook skrifar Píratinn um málið og hlekkjar frétt frá RÚV þar sem farið er yfir stöðuna. Í byrjun færslunnar vitnar Björn Leví í

Henry Alexander Henrysson siðfræðing: „“Ekki er þó hægt að líta fram hjá því að ráðningin virðist standast lög sem voru samþykkt af meirihluta Alþingis. Þá hefur hæfisnefnd metið fyrrverandi aðstoðarmann Bjarna, Svanhildi Hólm Valsdóttur, hæfa til að gegna sendiherrastöðunni“.“

Því næst kemur Björn Leví með tvo punkta sem hann vill taka fram varðandi þessi orð Henrys.

„Tvennt varðandi þetta.
1. Þessi glufa í lögunum var gagnrýnd í umfjöllun þingsins.

„Hagsmunaráðs ítrekar að það „ .telur engin málefnaleg rök eiga við um þær undantekningar sem veita ráðherra heimild til tímabundinnar skipunar sendiherra án auglýsingar“ og leggur því áfram til að þær verði annað hvort felldar úr frumvarpinu“.“

Hinn punkturinn snýr að hæfni utanríkisráðherrans í málinu.

- Auglýsing -

„2. Þó Svanhildur hafi verið metin hæf þá þýðir það ekki að utanríkisráðherra sé hæfur til þess að skipa hana.“

Björn Leví veður því næst í Bjarna Benediktsson og segir hann nota sömu aðferð og þegar hann „seldi pabba sínum banka.“

„Þetta er sama lélega afvegaleiðing og ráðherra notaði þegar hann seldi pabba sínum banka. Í bæði skiptin getur vel verið að umsækjendur hafi verið hæfir en á sama tíma ráðherra vanhæfur. Það fer nefnilega ekki saman að umsækjandi sé hæfur og ráðherra. Þetta eru aðskilin ferli. Báðir aðilar þurfa að vera hæfir. Í sölunni á Íslandsbanka er ráðherra augljóslega vanhæfur til þess að selja pabba sínum hlut í bankanum (þar skiptir engu hversu hæfur pabbi hans er) og aftur hérna. Það skiptir engu máli hversu hæf Svanhildur er ef ráðherra hefur persónuleg tengsl við hana. Þá verður að finna einhvern annan til að taka ákvörðunina um skipun í embættið.

Það er rosalega þreytt að fólk komist upp með að reyna að blekkja aðra svona aftur og aftur“

- Auglýsing -

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -