iPhone 12 er kominn í verslanir. Sumir þurfa alltaf að fá það nýjasta samdægurs og oft fara verslanir sem selja Apple vörur á hliðina þegar nýjar vörur koma á markað. Það verður fróðlegt að sjá hvort það sama gerist í dag eða hvort kórónuveiran hafi áhrif á söluna. Færri fari í búðir og kannski hafa líka færri þörf á að spandera í svona lúxus. Hver þarf síma ef hann er hvort sem er alltaf heima? Fyrir utan það er fólk alltaf að verða meðvitaðara um mikilvægi þess að nýta hlutina – umhverfisins vegna. Hvernig sem öllu líður þá er alltaf áhugavert að fylgjast með hvernig tækninni fleytir fram.
Neytendavakt Mannlífs fór í saumana á málinu og las dóma um nýja símann og bar saman verð og kaupauka hjá 5 verslunum sem selja iPhone 12.
iPhone 12 þykir sameina hönnun iPhone X og hins goðsagnakennda iPhone 4 sem gerir mikið fyrir útlit og ferskleika tólfunnar. iPhone 12 símarnir styðja 5G kerfið, eru með sterkari skjái og enn betri myndavélar en áður. Þetta er mesta uppfærsla á iPhone frá árinu 2017 þegar iPhone X kom á markað og í dómum er ekki annað hægt að sjá en að þessi týpa sé mesti hittari Apple í áratug.
iPhone 12 er sagður ótrúlega kraftmikill og sparneytinn með nýjum 5 nm A14 Bionic örgjörva. Háþróuðu myndavélarnar bjóða upp á marga eiginleika þar á meðal Night Vision og myndbandsupptöku með Dolby Vision HDR.
iPhone 12 er þunnur, með rúnuðum hornum og kemur í fimm litum. Til þess að veita snertiskjánum betri endingu hefur Apple unnið náið með Corning og þróað byltingarkennda glertækni, Ceramic Shield er sérstakt gler sem inniheldur Nano-keramik-kristalla. Fullyrt er að þetta tryggi fjórum sinnum betra fallþol miðað við iPhone 11 seríuna. Vatnsvörnin er einnig talsvert bætt og síminn er IP68 vottaður fyrir allt að 6 metra dýpi í 30 mínútur.
Það er segull aftan á símanum sem þýðir að hægt er að smella þráðlausu hleðslutæki, hulstri, kortahulstri og fleiru sem styður MagSafe aftan á símann. Apple hefur áður haft þennan eiginlega í boði en þótti ekki virka sem skildi. Það gerir hann hins vegar núna, segja þeir.
Apple ákvað að fækka fylgihlutum og því fylgja hvorki heyrnartól né hleðslukubbur, aðeins Lightning snúra. Er þetta viðleitni þeirra til að draga úr óþarfa framleiðslu og minnka pakkningar. Þá má þess geta að síminn er úr mikið til úr endurunnum efnum og að fyrirtækið hefur skilað umhverfisskýrslu með vörunni sem verður að teljast ansi gott. Apple hefur löngum verið gagnrýnt fyrir slóðaskap í þessum efnum.
Sem fyrr segir er iPhone 12 fáanlegur á Íslandi frá og með deginum í dag. Síminn kostar nánast allsstaðar það sama (hvað er málið með það?) – nema hjá Elko sem bætir 5 kr. við.
64 GB 159.990 kr.
128 GB 169.990 kr.
256 GB 189.990 kr.
iPhone 12 pro
128 GB 199.990 kr.
256 GB 219.990 kr.
512 GB 259.990 kr.
en sumar verslanir bjóða upp á kaupauka.
Epli: Enginn kaupauki
Elko: Enginn kaupauki og allar tegundir símanna 5 kr. dýrari en hjá hinum verslununum. Hafið í huga að Elko kaupir gömul rafmagnstæki.
Síminn: Enginn kaupauki
Vodafone:
10 GB á mánuði í fimm mánuði fylgja og 30 daga áskrift að Stöð 2 Maraþon fylgir.
Nova
Skemmtikort Nova fylgir með öllum farsímum fyrir þá sem eru hjá Nova. Skelltu þér í leikjasalinn, Virtual Rabbids, Lasertag og Virtualmaxx í Smárabíó. Allskonar skemmtilegt á einu korti! Hjá Nova geturðu líka sett gamla símann þinn upp í. iPhone 11 64 GB er t.d. metinn á 57.327 kr. þú getur látið meta símann þinn hér.
Niðurstaða: Vodafone býður best.
Athugið að greining neytendavaktarinnar miðast við þær upplýsingar sem verslanir veita á heimasíðum sínum.