Kúnnar sárir út í Staðarskála: „Hef ekki vitað aðra eins vitleysu“

Efnisorð

Deila

- Auglýsing -

Viðskiptavinir N1 Staðarskála í Hrútafirði verða að gera sér það að góðu að njóta keyptra veitinga utandyra. Hvort sem það er kaffibolli eða ein með öllu þurfta kúnnarnir að skella því í sig í kuldanum. Margir vegfarendur koma akandi um langan veg, svangir og þyrstir en fá ekki að njóta veitinganna í skjóli fyrir veðri og vindum.

Óánægður viðskiptavinur, sem er fastagestur og vil því ekki láta nafn síns getið, er ekki par hrifinn af þessari þjónustu N1. Umræddur viðskiptavinur upplýsir að þjónustu á Hólmavík sé allt öðruvísi háttað. Þar fær fólk að njóta veitinga innandyra. „Hef ekki vitað aðra eins vitleysu hjá NI Staðarskála í Hrútafirði. Báðum um pulsur fyrir okkur, við vorum vinsamlegast beðin að borða þær úti. Þeir leyfa hvorki fólki að borða né fá sér sæti,“ segir viðskiptavinurinn.

Einar Ísfjörð, verslunarstjóri N1 í Staðarskála, kannast vel við óánægju viðskiptavina vegna fyrirkomulagsins en segir staðinn einfaldlega fylgja settum Covid-reglum.

„Við finnum óánægjuna og auðvitað myndi ég vilja bjóða öllum sæti og hafa hreinlega opið hús. Það er náttúrlega bara Covid og svona hefur þetta verið hjá okkur nánast allan faraldurinn. Reglurnar eru bara svona. Við mættum vera með 20 manns í sæti en miðað við fjöldann sem kemur til okkar getum við ekki boðið uppá það að aðrir verði að bíða í hálftíma á meðan aðrir borða,“ segir Einar.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -