Fimmtudagur 28. mars, 2024
-2.2 C
Reykjavik

„Meiri hetjur en ég held þið gerið ykkur grein fyr­ir“

VefTv

- Auglýsing -

Hlaðvörp

- Auglýsing -

Ingibjörg Sólrún Gísladóttir, fyrrverandi formaður Samfylkingarinna, hrósaði þeim konum sem treystu sér til að taka slaginn við Jón Baldvin Hannibalsson. Það gerði hún í færslu sem hún birti í hópnum #met­oo Jón Bald­vin Hannibals­son á Face­book.

„Reglulega kemur upp hjá mér reiði, sorg eða biturð yfir þessu máli og nú langar mig að koma því frá mér. Þegar ég heyri um Jón Baldvin talað í fréttum eða á Netinu, þá líður mér illa. Fjölskyldan mín er splundruð út af þessu og mér finnst eins og það sé kominn tími til að fólk fái að vita sannleikann og taki afstöðu. Ég vil að fólk lesi bréfin og sjái svart á hvítu hvað í þeim stendur. Sumir þykjast standa með mér en mæta svo í veislur til Jóns Baldvins. Mér finnst vissulega skrítið að koma fram í fjölmiðlum en tel það einu leiðina til að fá fólk til að horfast í augu við staðreyndir.“

Þannig lýsir Guðrún Harðardóttir, systurdóttir Bryndísar Schram eiginkonu Jóns Baldvins Hannibalssonar, árið 2012 ástæðum þess að hún steig fram í umfjöllun í Nýju lífi og sagði frá bréfum sem Jón Baldvin, fyrrverandi ráðherra og formaður Alþýðuflokksins, sendi henni þegar hún var barn að aldri.

Úr Nýju Lífi, ferbúar árið 2012.

Nokkrir einstaklingar innan Samfylkingarinnar vissu af klámfengnum bréfum Jóns Baldvins áður en þau voru gerð opinber.

Ítarleg skýring Kjarnans um málið birtist í Mannlífi á föstudaginn og á vef Kjarnans.

Þar er farið yfir það hvernig Jón Baldvin verið skipaður í heiðurssæti á framboðslista Samfylkingarinnar fyrir komandi alþingiskosningar í byrjun árs 2007. Í mars sama ár var Guðrúnu tilkynnt að Ríkissaksóknari hefði ákveðið að fella mál hennar gegn Jóni Baldvini niður.

Ingibjörg Sólrún Gísladóttir, fyrrverandi formaður Samfylkingarinnar og ráðherra, fékk vitneskju um bréfin og þar af leiðandi aðgang að þeim. Í kjölfarið boðaði hún Jón Baldvin til fundar ásamt Degi B. Eggertssyni borgarfulltrúa þar sem Jóni Baldvin var tjáð að hann yrði fjarlægður af framboðslista flokksins.

- Auglýsing -

Hún greindi frá því í stöðuuppfærslu inni á metoo-hópnum á Facebook að Jón Bald­vin hefði brugðist illa við en hún sagði nauð­syn­legt að halda þessu til haga í ljósi þess algjöra skorts á sóma­kennd sem Jón Bald­vin hefði sýnt að und­an­förnu. Ingibjörg Sól­rún lýkur færslu sinni á því að segja að Aldís Schram og Guð­rún séu meiri hetjur en þær geri sér grein fyr­ir og hrósar um leið hinum konunum.

„Ég tek ofan fyrir þeim konum sem hafa ákveðið að taka slag­inn við JBH og láta ekki undan síga þó að hann beiti öllum til­tækum vopnum sem finn­ast í vopna­búri hinnar eitr­uðu karl­mennsku. Sér­stak­lega vil ég segja við Aldísi og Guð­rúnu – þið eruð meiri hetjur en ég held þið gerið ykkur grein fyr­ir,“ segir hún í færslunni.

Umfjöllunina má lesa í heild sinni á vef Kjarnans og í nýjasta tölublaði Mannlífs.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -