• Orðrómur

Netþrjótar herja á Arion banka og Bónus: Láttu ekki plata þig

Efnisorð

Deila

- Auglýsing -

Netþrjótar eru teknir að færa sig hressilega upp á skaftið ef marka má deilingar í íslenskum Facebook-hópum neytenda og í einhverjum tilfellum eru jafnvel íslensk fjármálafyrirtæki og matvörurisar á borð við Arionbanka og Bónus notuð í bíræfnum tilraunum til fjársvika.

Grandalausir Facebook-notendur hafa þannig deilt í góðri trú loforðum sem virðast runnin undan rifjum íslenskra stórfyrirtækja og lofa þrjótarnir gulli og grænum skógum í vinning, allt í skiptum fyrir kreditkortanúmer og bankareikning viðkomandi, að því gefnu að orðið sé látið áfram ganga.

- Auglýsing -

Í hópnum Sparnaðar Tips segir þannig stjórnandi hópsins að tveimur slíkum færslum hafi síðast verið eytt út í dag og að þeir hópmeðlimir sem deildu blekkingarpóstunum sem íslensku viðskiptarisarnir Arionbanki og Bónus voru hafðir fyrir, hafi fengið formlega áminningu.

Eru meðlimir Sparnaðar Tips beðnir að ganga hægt um gleðinnar dyr í deilingum leikja á netinu, þó vissulega geti verið gaman að taka þátt, en árétta stjórnendur að gæta að skráningu persónuupplýsinga án nánari aðgáts þegar leikir eigi í hlut.

- Auglýsing -

Hér í frétt má sjá skjáskot af óprúttnum tilraunum svikahrappa sem farnir eru að slá um sig með íslenskum vörumerkjum, allt í þeim tilgangi að féfletta grandalausa notendur undir formerkjum peningagjafa. Lögreglan hefur ötullega varað almenning við fjársvikum á netinu undanfarin misseri en segir erfitt að sporna við glæpum af þessu tagi með öðru móti en að sýna amenna árverkni á Facebook og öðrum samskiptamiðlum. Lítið mál sé fyrir netþrjóta að setja upp falskar vefsíður og netföng, ásamt þeim póstum sem sjá má hér að neðan.

Skynsemi og raunsæi ásamt sæmilegu netlæsi er því öflugasta mótefnið enn sem komið er.

 

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Vopnaður unglingur handtekinn

Handtaka þurfti unglingspilt síðastliðna nótt í Breiðholti. Pilturinn er grunaður um ógnandi tilburði með eggvopni og hótanir.Foreldrar...

Í fréttum er þetta helst...

Mest lesið í vikunni

- Auglýsing -