Föstudagur 20. maí, 2022
8.8 C
Reykjavik

Sólveig spyr hvort þetta gerist ekki bara á Íslandi: „Þetta ástand er alveg snarklikkað“

Helgarviðtalið

- Auglýsing -

Orðrómur

- Auglýsing -

Sólveig Anna Jónsdóttir, formaður Eflingar, er undrandi yfir þeim skrifum sem hafa birtst undanfarið í Morgunblaðinu og Fréttablaðinu. Hún segir skrifin einkennast af trylltri andúð í garð launafólks, þorra þjóðarinar. Hún veltir fyrir sér hvort þetta sé séríslenskt.

„Er það ekki ótrúlegt að verða vitni að þeirri trylltu andúð sem opinberast stöðugt í Morgunblaðinu, Viðskiptablaðinu, Fréttablaðinu, á lýðræðislega kjörnum leiðtogum í hreyfingu launafólks? Ætli þetta sé almennt svona í nágrannalöndum okkar, að það tíðkist að með reglulegu millibili dynji árásir fjölmiðla á formönnum stéttarfélaga fyrir það eitt að dirfast að berjast fyrir því að samningar haldi og að kjör vinnuaflsins séu varin í kreppu sem orsakast af viðbrögðum stjórnvalda vegna faraldurs sem „er engum að kenna“, faraldurs sem „við erum öll saman í að takast á við“?,“ spyr Sólveig á Facebook og heldur áfram:

„ Ætli það tíðkist í nágrannalöndum okkar að hreyfingu vinnandi fólks sé kennt um atvinnuleysið sem er til komið vegna þess að hagkerfið hefur skollið í lás vegna Covid-19? Þetta ástand er alveg snarklikkað.  Úr leiðara Morgunblaðsins í morgun.“

Í leiðarnum segir svo: „Atvinnulífið, og þar með efnahagur landsins í heild sinni, varð fyrir viðbótarhöggi þegar ákveðið var á dögunum að samningar á vinnumarkaði skyldu standa eins og ekkert hefði í skorist. Þar sýndu ýmsir forystumenn í verkalýðshreyfingunni fádæma ábyrgðarleysi sem félagsmenn þeirra og aðrir verða óhjákvæmilega að líða fyrir á næstu mánuðum og misserum með færri atvinnutækifærum og auknu atvinnuleysi.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -