Miðvikudagur 19. júní, 2024
8.8 C
Reykjavik

STEF bregst við vegna COVID-19 – Úthlutunum flýtt

VefTv

- Auglýsing -

Hlaðvörp

- Auglýsing -

STEF, félagasamtök tón- og textahöfunda, bregðast eins og fleiri við COVID-19 kórónuveirufaraldrinum með viðeigandi hætti. Í tilkynningu frá félaginu kemur fram að skrifstofa þess verði opin enda fellur hún undir viðmiðunarmörk.

Öllum sem þangað koma er bent á að gæta að hreinlæti og halda æskilegri fjarlægð. Hins vegar er þeim tilmælum beint til meðlima að afgreiða sem flest erindi á rafrænan hátt með því að senda tölvupóst eða finna upplýsingar á heimasíðu félagsins.

Hluti starfsmanna er í sóttkví og aðrir sem kjósa að vinna heima og því ekki hægt að veita fulla þjónustu á staðnum.

Úthlutunum verður flýtt

Í ljósi þess að margir félagsmanna horfa nú upp á verulega skert tekjuflæði mun STEF einnig flýta eins og kostur er fyrirhuguðum úthlutunum. Gert er ráð fyrir að á næstu vikum fari fram leiðréttingaúthlutun vegna aðalúthlutunar í desember, NCB úthlutun og erlend úthlutun. Þá verður fyrri hluta aðalúthlutunar sem að öllu jöfnu fer fram í júní flýtt.

„Við vonumst til þess að þessu ástandi ljúki fyrr en síðar og minnum á að hlúa að þeim sem standa okkur næst svo og að halda ró sinni og fylgja fyrirmælum yfirvalda í hvívetna.“

- Auglýsing -

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -