Fimmtudagur 28. mars, 2024
1.8 C
Reykjavik

„Þetta er áfall jafnt fyrir okkur sem rekum skíðasvæðin“

VefTv

- Auglýsing -

Hlaðvörp

- Auglýsing -

Samtök skíðasvæða á Íslandi hafa ákveðið að loka skíðalyftum og brekkum í grennd við þær. Er þetta gert til að virða þau tilmæli sóttvarnalæknis að nálægð milli fólks sé ekki meiri en tveir metrar.

„Við hjá Samtökum skíðasvæða ætlum að virða þessi tilmæli og loka hluta svæðanna eða öllu sem snýr að skíðalyftum.“ Þetta kemur fram í tilkynningu sem Samtök skíðasvæða á Íslandi hafa sent frá sér. Þar segir að ákveðið hafi verið að loka öllum skíðalyftum og brekkum við þær þar til samkomubanni verður aflétt.

„Þetta er áfall jafnt fyrir okkur sem rekum skíðasvæðin sem og viðskiptavini okkar en við vonumst til að allir sýni þessu skilning og þolinmæði,“ segir ennfremur og bent á að sameiginleg notkun á hvers konar búnaði til íþróttaiðkunar án góðrar sótthreinsunar sé varasöm, en það eigi við um skíðalyftur, handlóð, bolta, dýnur, rimla og ýmsan annan búnað.

Þá segir í tilkynningunni að skíðagöngubrautir verði áfram hafðar opnar en eingöngu til æfinga einstaklingsbundið þar sem tveggja metra reglan er viðhöfð. Verði þeim tilmælum ekki hlýtt verði brugðist við með því að loka svæðum líka.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -