Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra, er að skoða möguleikann á því að gefa Íslendingum aðra ferðagjöf fyrir komandi sumar. Þar sem gjöfin í fyrra hafi virkað svo vel sé ráð að reyna þetta aftur í ár.
Hvort gefa eigi aðra ferðagjöf í sumar verður rætt á fundi ríkisstjórnarinnar í dag. Allir einstaklingar 18 ára og eldri með lögheimili á Íslandi fengu Ferðagjöf að andvirði 5.000 krónur frá Þórdísi Kolbrúnu Reykfjörð Gylfadóttur ráðherra. Gjöfin er liður í því að styðja við bakið á íslenskri ferðaþjónustu í kjölfar kórónufaraldurs og efla íslenska ferðaþjónustu sem og hvetja landsmenn til að eiga góðar stundir á ferðalagi víðsvegar um landið.
Ríkið greiddi rúmar 16 milljónir króna fyrir snjallforrit Ferðagjafarinnar og þjónustu við forritið. Að frádegnum virðisaukaskatti nema greiðslurnar tæpum 13 milljónum króna. Atvinnu- og nýsköpunarráðuneytið greiddi Yay ehf. áðurnefnda upphæð, nánar tiltekið 12.993.793 fyrir þá sem hafa gaman af tölum, fyrir snjallaforritið sem skiptist í fjögurra milljón króna þóknun fyrir forritun, 1.5 prósenta þjónustutekjur af hverri ferðagjör og svo aðrar tilfallandi greiðslur fyrir veitta viðbótarþjónustu vegna forritsins.
Áður hefur verið upplýst að áætlaður kostnaður ríksins vegna Ferðagjafarinnar er 1.5 milljarður króna. Aðeins er þó búið að ráðstafa um það bil helmingnum af þeirir upphæð og því margar gjafir ósóttar. Möguleg skýring á því er hversu mörgum hefur reynst að sækja sér forritið í farsíma sína. Mikla óánægju mátti finna meðal fjölda Íslendinga sem gerði tilraun til að hlaða niður snjallsímaforriti Ferðagjafarinnar í farsímana sína.