Guðmundur Sigurður Guðmundsson þurfti að ganga í gegnum þá skelfilegu raun að missa eiginkonu sína og dóttur sama daginn í október árið 2023. Guðmundur starfaði um árabil sem sjómaður á Íslandsmiðum en flutti til Svíþjóðar, fjallar um missinn í þriðja og síðasta þætti viðtalsins sem sýndur verður að viku liðinni, en Sjóarinn heimsótti Guðmund á heimili hans í Malmö í Svíþjóð.
Í þætti tvö segir Guðmundur meðal annars frá því þegar hann bjó á gæsluvistarhælinu að Gunnarsholti en þar var drykkja ekki leyfð. Meðan Gunnar bjó þar safnaði hann peningum til koma fótunum aftur undir sig. Það gerði hann með því að vinna í og á nærliggjandi bæjum.
„Ég borgaði engan skatt, til dæmis. Ég var alveg skattfrír af því að ég var búinn að skrifa undir samning að ríkið ætti mig, gæti gert við mig hvað sem það vildi. Þannig að ég var með sand af seðlum. En svo datt maður í það og það var ekkert smá fyllirí. Það var tekin einkarella og keyptur kassi af brennivíni, ef ekki tveir og svo var bara farið vestur á Ísafjörð.“
Lokaþátturinn í viðtalinu við Guðmund birtist á miðvikudaginn komandi.
Hægt er að horfa á allan þáttinn hérna.