Kjóla- og kökusjúkur bakari, blaðmaður og rithöfundur

Lilja Katrín Gunnarsdóttir, leikkona og blaðamaður DV, og nú líka rithöfundur og bókaútgefandi því á síðastaári gaf hún út kökubókina Minn sykursæti lífsstíll sem hún hefur selt eins og heitar lummur. Við heyrðum í Lilju og fengum að kynnast henni á nýjan hátt.

Hver ertu? „Rokkstjarna. Alla vega þegar ég tala við spegilinn inni á baði á kvöldin.“

Hvaðan kemur þú? „Úr 111. Fellunum. Breiðholti. Ekki Seljahverfinu.“

Hvar og hvenær líður þér best? „Heima, seint um kvöld, bara ég og eiginmaðurinn, börnin sofnuð, slökkt á tölvum, kveikt á tónlist, spil í hönd og góður drykkur.“

Hvað hefur þig alltaf dreymt um að eignast en ekki eignast hingað til? „Eiginhandaráritun frá öllum leikurunum í Neighbours. Það hlýtur að koma að því …“

AUGLÝSING


Hvað trónir á toppi óskalistans fyrir fataskápinn? „Mig dauðlangar í skó frá Irregular Choice, en ég gifti mig í skóm frá þeim. Helst einhverja brjálæða bollakökuskó með glimmeri sem gæti kæft einhyrning.“

Ef þú ættir milljarð í einn dag hvað myndir þú gera? „Ég myndi kaupa mér eldhús og opna bakarí. Svo myndi ég bjóða manninum mínum á epíska rokktónleika í útlöndum og kaupa alvörueinhyrninga fyrir börnin mín.“

„Picasso. Hann nær að kveikja í þessu kalda listahjarta. Kay Pollock nær að snerta alla mína strengi og ég trúi því stundum ekki hve fagra tónlist Nick Cave getur smíðað.“

Besta kaka í geimi? „Þetta er eins og að velja á milli barnanna sinna! Ókei, þá. Ég er ofboðslega svag fyrir ostaköku. Helst einfaldri með dassi af hvítu súkkulaði og karamellusósu.“

Uppáhaldskonfektmolinn? „Aftur bara einn; heimagert Twix. Ég finn kransæðarnar stíflast!“

Hvert myndir þú fara í ferðalag ef þú værir á leið í draumaferðina? „Besta frí sem ég hef farið í var til Taílands. Þannig að ætli ég myndi ekki fara til Bangkok, heimsækja alla uppáhaldsstaðina mína. Ferðast síðan til nálægra landa, eins og Kambódíu, og fljúga svo til Japan og njóta kirsuberjatrjáa í blóma, sushi og Kit Kat með saki-bragði.“

Hvaða bíll lýsir þínum karakter best? „Ætli það sé ekki bara Hummer. Blóðheit og ástríðufull. Get stundum farið aðeins fram úr mér og er ömurleg að leggja í stæði.“

Hvaða listamenn heilla þig upp úr skónum? „Picasso. Hann nær að kveikja í þessu kalda listahjarta. Kay Pollock nær að snerta alla mína strengi og ég trúi því stundum ekki hve fagra tónlist Nick Cave getur smíðað.“

Ef eldhúsið þitt ætti eina ósk? „Að eignast fagurbleika Kitchen Aid-hrærivél. Ég veit ekki hve mikið meira upphandleggirnir á mér þola.“

Ef þú ættir bara eina ósk? „Að kökur og nammi væru ofurfæða eins og chia-fræ og möndlumjólk.“

Ekki missa af þessum

Annað áhugavert efni

Nýjast á Mannlíf.is