2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

    Hönnuðir hanna jólakúlur – Marglaga jól

    Á síðustu árum, rétt fyrir jól, höfum við fengið hönnuði til að skapa eitthvað jólatengt fyrir okkur. Árið 2018 fengum hóp skapandi fólks til að hanna einhvers konar „jólakúlu“ eða skraut á tré, ramminn var nokkuð opinn og var hönnuðum frjálst að túlka verkefnið á sinn hátt. Sá fyrsti til að sýna okkur sína hönnun var grafíski hönnuðurinn Emil Ásgrímsson, en ekki missa af fleiri jólakúlum sem munu birtast á vefnum á næstunni.

     

     

    Emil Ásgrímsson er grafískur hönnuður. Mynd/Hallur Karlsson

     

    AUGLÝSING


    Hver er hugmyndin að baki hönnuninni?
    Hugmyndina má rekja til áhuga míns á „miniature“-landslagi. Ég hef unnið mikið með slíkt í myndbandsverkum og prenti. Í prentverkum vinn ég mikið með náttúru í klippiverkum (collage) og í myndböndum með alvörugrjót, mosa og þannig náttúruleg efni.

    Hvaða leiðir voru farnar hvað varðar efnisval og formfræði?
    Fyrir kúluna sjálfa valdi ég masónít sem er venjulega notað sem byggingarefni. Hér hentaði það einkar vel vegna þykktar og áferðar. Ég teiknaði 26 skífur sem ég skar út með leiserskurði, límdi svo saman og myndaði þannig fullkomna kúlu. Þarna næ ég að búa til skemmtilega stemningu og jafnframt áhugavert form.

    Hvað kemur þér í jólaskap?
    Jólaskapið dettur alltaf inn á aðfangadag þegar húsið fyllist af matarlykt. Klukkan sex fullkomnast stemningin með hæfilegri blöndu af háværri fjölskyldu og kirkjuklukkum í útvarpinu.

    Hvað er ómissandi yfir hátíðirnar?
    Jólaskraut frá emilasgrimsson.com og prentverk frá HAF STORE á Geirsgötu.

     

    Jólakúlan er gerð úr masóníti og er nokkusr konar miniature-landslag. Mynd/Hallur Karlsson

    Ekki missa af þessum

    Annað áhugavert efni

    Nýjast á Mannlíf.is