Safnasafnið á Svalbarðsströnd – skemmtilegur viðkomustaður fyrir unga sem aldna

Deila

- Auglýsing -

Íslendingar munu margir ferðast innanlands í sumar og því tilvalið að beygja stundum út af þjóðveginum og þefa uppi skemmtileg söfn. Á móts við Akureyri við norðanverðan Eyjafjörðinn, nánar tilekið á Svalbarðsströnd, er áhugavert safn sem heitir því skemmtilega nafni Safnasafnið.

 

 

 

Þar gefur að líta 6.400 verk eftir listamenn sem eiga það flestir sameiginlegt að vera sjálfmenntaðir. Verkin eru bæði nútímalist, alþýðulist og handverk en einnig er hægt að kynna sér alþýðulist og menningu frá ýmsum löndum þar sem bókakostur safnsins er mikill. Sérlega gaman er að setjast út á skjólsælan sólpallinn með kaffibolla og glugga í bækur. Stofnendur Safnasafnsins eru þau Níels Hafsteinn og Magnhildur Sigurðardóttir en þau hafa safnað listaverkum listamanna sem hafa stundum verið utanveltu við helstu strauma og stefnur. Reglulega eru haldnar sýningar á safninu og í sumar verður meðal annars sýning um verk Sölva Helgasonar í tilefni af því að 200 ár eru liðin frá fæðingu hans en fleiri skemmtilegar sýningar verða í safninu í sumar og hægt er að skoða þær nánar hér. Virkilega vel uppsett og skemmtilegt safn að heimsækja.

 

View this post on Instagram

Safnasafnið fagnar 25 ára afmæli í ár og er heiður af því að vera í samstarfi við Listahátíð í Reykjavík sem fagnar 50 ára afmæli. Þessi síungu afmælisbörn leiða hesta sína saman á sýningunni Gróður jarðar og hugarflugs. Á sýningunni hefur sýningarstjórinn, Níels Hafstein, skapað sannkallaðan töfragarð sem veitir gestum safnsins margslungna upplifun en 101 listamaður á verk á sýningunni. Í dag sunnudag 7.júní verða leiðsagnir um sýningarnar Blómstur, Sölvi Helgason í 200 ár og mun Harpa Björnsdóttir sýningarstjóri segja frá verkum Sölva klukkan 13. Níels Hafstein tekur svo við og verður með leiðsögn um sýninguna Gróður jarðar klukkan 13:30. Verið öll hjartanlega velkomin, safnið er opið alla daga fram til 13.september frá klukkan 10 – 17. https://www.listahatid.is/vidburdir/dagskra/hugarflug-og-grodur/ #Safnasafnid #Safnasafnið #Listahátíð2020 #ReykjavikArtsFestival2020 #NotCancelled

A post shared by Safnasafnið (@safnasafnid) on

 

 

 

 

 

 

- Advertisement -

Athugasemdir