Miðvikudagur 7. desember, 2022
-3.2 C
Reykjavik

Anna hrökk í kút þegar skoðaði í símann sinn: „Það settist að mér hryllingur“

Helgarviðtalið

- Auglýsing -

Orðrómur

- Auglýsing -
Vélstjórinn fyrrverandi, Anna Kristjánsdóttir, gerði pínleg mistök í gær þegar hún gáði að veðurspánni á Tenerife fyrir næstu daga í símanum sínum. Við henni blasti heldur óskemmtileg sjón og ætlaði hún ekki að trúa sínum eigin augum. Svo uppgötvaði hún villuna og lýsir því skemmtilega í nýjasta pistli sínum frá eyjunni fögru:
„Mér var litið á veðurspána í símanum mínum í gær og leist ekki vel á. Langtímaspáin sýndi rigningu flesta daga og nætur næstu vikuna. Óskemmtileg spá og að auki ekki nema 3-8°C hiti. Það settist að mér hryllingur. En svo sá ég villuna,“ segir Anna og heldur áfram:
„Ég hafði óvart stillt símann minn á Reykjavík. Hér í Paradís er lítil rigning í kortunum næstu vikuna, sólskin flesta daga þó með hugsanlegri rigningu á föstudag, en það eru einungis 35% líkur á slíku sem segir mér að líkurnar á rigningu hér séu hverfandi og hitinn þetta frá 19°C og upp í 28°C yfir daginn. Þetta þýðir með öðrum orðum að ég get sleppt því að troða sænginni inn í sængurverið næstu vikuna.“
Anna hefur lengi gagnrýnt íslenskt veðurfar þaðan sem hún skrifar pistla sína en síðustu ár hefur hún búið á Tenerife. Hér á landi dvaldi hún til að mynda síðustu jól og gat hún ekki beðið eftir því að komast héðan vegna kuldans.

„Á Íslandi er veðrið vont, það er margbreytilegt en nánast alltaf vont. Þar ríkir kuldi og þar ríkir bleyta eða snjókoma. Ef að kemur fyrir að að sést til sólar er venjulega svo kalt að best er að halda sig innandyra og kallast slíkt gluggaveður. Stundum verður veðrið verulega vont. Það kallast bræla ef er til sjós, annars rok og rigning ef er á þurru landi. Við skulum ekkert nefna ísingarveðrin, stundum kölluð manndrápsveður. En það er sjaldnast gott veður á Íslandi,“ segir Anna.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Í fréttum er þetta helst...

- Auglýsing -