Stjörnuparið Cardi B og Offset eru ekki lengur par.
Rappararnir Cardi B og Offset eru hætt saman. Þetta tilkynnti Cardi B í beinni útsendingu á Instagram-reikningi sínum í gær. Viðurkenndi „Up“ söngkonan að hún hefði verið „á lausu í nokkurn tíma“ en hafi verið óviss hvernig hún ætti að segja aðdáendum sínum frá því.
„Ég hef verið hrædd við að, eða ekki hrædd, en ég hef bara ekki vitað hvernig ég ætti að tilkynna heiminum þetta. Mér finnst eins og dagurinn í dag hafi verið sá rétti. Síðast þegar ég var í beinni vildi ég eiginlega segja ykkur frá þessu en vissi bara ekki hvernig en nú hef ég skipt um skoðun,“ sagði hin 31 árs söngvari.
Cardi lagði áherslu á að hún væri tilbúin í ferska byrjun á árinu 2024 og lýsti spennu yfir nýju lífi og nýrri byrjun. Þessi fregnir komu í kjölfar frétta vestarhafs um að þau Cardi B og Offset hefðu hætt að fylgjast með hvoru öðru á Instagram en hún hafði einnig vakið athygli með dularfullur skilaboðum í Story á Instagram. Þar talaði hún meðal annars um að setja sjálfa sig í fyrsta sætið.