Gísli Marteinn Baldursson er bjartsýnn á gott partý á laugardaginn.
Eins og alþjóð veit og reyndar sjálfsagt allur heimurinn, komst Diljá Pétursdóttir ekki áfram í úrslit Eurovision-söngvakeppninnar í gær. Flest okkar sem horfðum á undanúrslitin grétum okkur í svefn í gær og höfum verið hálf ómöguleg í vinnunni í dag. Gísli Marteinn, þulur keppninnar á Íslandi er ekki einn af þeim, þvert á móti. Eftirfarandi færslu skrifaði hann á Twitter:
„Glatað! En Eurovision er fyrst og fremst sjónvarpsþáttur í 3 hlutum. Sum flytja lagið sitt einu sinni og önnur tvisvar. Við getum verið rígmontin af okkar framlagi sem gerði #EUROVISION2023 betri og skemmtilegri! Takk fyrir pepp og stuð. Það verður partý á laugardaginn! #12stig“
Einstaklingur sem kalla sig Bláa öndin skrifaði athugasemd við færslu Gísla Marteins og bregður fyrir sér einhverju sem kallast í daglegu tali húmor eða glensi: „Nei, það er nóg komið af þessu útstáelsi og rugli, Gísli Marteinn Baldursson. Nú kemur þú heim.“
Tanja Ísfjörð kvenréttindakona svaraði færslu Gísla Marteins einnig með spéi, jafnvel galgopaskapi: „Forritið er ekki tilbúið fyrir þessa jákvæðni“