Föstudaginn 17. nóvember. kl. 12:00 verður Linda Pétursdóttir í beinni útsendingu á netinu í tilefni þess að 35 ár eru liðin síðan hún var kjörin Miss World.
Hún mun sitja fyrir svörum og segja frá því hvað hefur á daga hennar drifið frá krýningunni.
Hún hefur lifað viðburðarríku lífi og mun meðal annars koma inn á það hvernig það var að vera kosin fegursta kona heims aðeins 18 ára gömul þar sem hún varð heimsþekkt á einni kvöldstund og hvernig hún fótaði sig í gegnum þær miklu breytingar. Líf Lindu hefur vissulega verið litað af áföllum en enn fleiri sigrum. Sem opinber persóna frá táningsaldri hefur hún gengið í gegnum margt frammi fyrir alþjóð og er þekkt fyrir að þora að vera berskjölduð. Þannig mun hún koma fram á þessum viðburði.
Fyrir nokkrum árum síðan fór hún í gegnum gjaldþrot eftir að hafa misst fyrirtæki sitt til tuttugu ára. Hún ræðir þær áskoranir sem fylgdu því fyrir einstæða móður að standa uppi nær eignalaus.
Síðan þá hefur hún markvisst unnið í því að efla sjálfsmynd sína, og hún ákvað að láta
fortíðina ekki skilgreina framtíð sína. Í dag er Linda ástfangin, farsæl og lifir sínu besta lífi til þessa.
Linda er með B.A gráðu í heimspeki, hagfræði og stjórnmálafræði ásamt því að vera Master
lífsþjálfi. Hún gerði sjálf breytingar á eigin lífi og í dag rekur hún sitt eigið fyrirtæki þar sem
hún þjálfar hundruði íslenskumælandi kvenna í hverri viku til þess að gera slíkt hið sama með því að uppfæra hugarfarið, umbreyta sjálfsmynd sinni og lifa draumalífinu.
Markmið Lindu er valdefling kvenna með því að aðstoða þær að verða öflugasta útgáfan af sjálfum sér og þora að fylgja draumum sínum.
Linda býður landsmönnum að eiga með sér persónulega stund í hádeginu föstudaginn 17.
nóvember og fá innsýn í vegferð hennar sem hefur einkennst af bæði ljósi og skuggum.
Hlekkur á viðburðinn er hér: https://lindape.com/utsending