Mánudagur 15. júlí, 2024
14.8 C
Reykjavik

Telur Perry hafa fallið skömmu fyrir andlátið: „Nei, ég er Mattman!“

VefTv

- Auglýsing -

Hlaðvörp

- Auglýsing -

Fyrrverandi kærasta Matthew Perry segist gruna að Friends-stjarnan hafi fíkniefnabakslag fyrir dauða sinn.

Matthew Perry, lést á dögunum eins og allir vita, en hann drukknaði í heita potti sínum á heimili sínu í Los Angeles. Hinn 54 ára leikari opnaði sig í fyrra um fíkniefnavanda sinni en hann hafði í fjöldi ára glímt við fíkn í læknaskyld lyf og áfengi. Hann hafði svo verið edrú í heil 17 ár og nýtt tíma sinn í að hjálpa öðrum að hætta í eiturlyfjum. Kayti Edwards, fyrrverandi kærasta Perry, grunar að hann hefði fallið skömmu fyrir andlátið. Aðeins sólarhringi fyrir andlátið var Perr ljósmyndaður á stefnumóti með 25 ára fyrirsætu, Athenna Crospy en virtust þau afar hamingjusöm, þar sem þau eyddu tíma á Bel-Air hótelinu í Los Angeles.

Snerti ekki vínseðilinn

Athenna opnaði sig um tíma þeirra saman og sagði að Matthew hefði „neitað að snerta vínseðilinn,“ því hann vildi vera edrú. Hún sagði leikarann hafa verið mjög stoltan yfir þeim árangri sem hann hefði náð og var staðráðinn í að halda sér edrú og hafði engan „áhuga á að byrja aftur í dópi og áfengi.“

Komið hefur fram að engin fíkniefni hafi sést á vettvangi og að ekki benti neitt til þess að andlátið hafi borið með saknæmum hætti. Lögreglan segist hafa fundið þunglyndislyf, kvíðalyf og astmatengd lyf í húsinu. Þá hefur verið gefið út að í fyrstu eiturefnafræðilegu prófuninni hafi ekki fundist leyfar af fentanyl-lyfjum eða metamfetamín, í blóði Perry við andlátið. Þess vegna sé ástæða andlátsins enn á huldu.

Kayti, sem Matthew átti í ástarsambandi með árið 2006 og vann sem aðstoðakona hans árið 2011, hefur nú stigið fram og sagt að Matthew hafi skilið eftir vísbendingar um að hann hefði fallið.

Mattman

- Auglýsing -

Sagði hún við The Sun að ýmislegt sé skrítið við málið. „Það er margt sem passar bara ekki, fyrir mér. Ég trúi ekki að hann hafi bara drukknað í nuddpotti, það hljómar bara ekki rétt.“ Hún hélt áfram: „Ég þekki Matthew og ég veit að hann myndi ekki bara drukkna. Ég held að hann hafi verið að taka pillur í vikunni sem leiddi til þess. Þeir sögðu að það hefðu ekki verið nein lyfseðilsskyld verkjalyf á vettvangi, sem kemur mér ekki á óvart, því hann myndi ekki skilja svoleiðis eftir á glámbekk.“ Og enn hélt hún áfram: „Hann var með ofsóknaræði og myndi taka þær allar, svo það væru engar sannanir, og svo fara út til að kaupa meira, þegar hann var tilbúinn.“ Þá tjáði hún sig einnig um hinar skrítnu Mattman færslur en dagana á undan andlátið birti hann nokkrar furðulegar færslu á Instagram þar sem honum var tíðrætt um að hann væri Mattman. „Mattman dæmið var eitthvað sem hann gerði ekki þegar hann var edrú. Mattman kom út þegar hann var ekki edrú og honum fannst hann vera ósigrandi. Ég var með honum þegar hann var að fá sér skammt, þó ég hafi ekki fengið mér með honum, og þegar ég sagði honum að hann ætti kannski að róa sig svolitið á dópinu, þá sagði hann: „Nei, ég er Mattman!“.“

Þráhyggja fyrir vatni

Kayti sagði ennfremur að Perry hafi verið með „þráhyggju fyrir vatni“, þegar hann var skakkur. „Í eitt skipti fann nágranni hans í Hollywood-hæðum, Matthew nakinn og skakkann í sundlaug sinni. Ég varð að fara þangað og koma honum úr sundlaug nágranna síns. Hann var óður í vatn þegar hann var að taka fíkniefni. Hann vildi alltaf verið í sundlaug eða í nuddpottinum.“

- Auglýsing -

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -