Slaufunarsinnum varð ekki kápan úr því klæðinu þegar þeir gerðu atlögu að fjölmiðlamanninum Frosta Logasyni í fyrra. Edda Falak reiddi hátt til höggs þegar hún birti viðtal við fyrrverandi kærustu Frosta sem gerði upp sakir úr sambandi þeirra sem lokið hafði áratug áður. Mörgum fannst aðförin ósanngjörn en það stöðvaði ekki Öfgaherinn sem fylgdi á eftir með kröftugri herferð opinberrar smánunar. Mikið lagt í sölurnar til að koma Frosta úr starfi hjá fjölmiðlasamsteypunni Sýn. Á endanum bognuðu Þórhallur Gunnarsson og yfirmenn Frosta á Stöð 2. Frosti flæmdist úr starfi.
Markmiðið með slaufunum er gjarnan að gera út af við starfsferil og tekjustreymi þess sem rétttrúnaðinum er í nöp við. Frosti sneri hinsvegar vörn í sókn, gerðist sjómaður og stofnaði síðan efnisveituna Brotkast og snarhækkaði í launum.
Þó að Frosti hafi hrakist frá fjölmiðlarisanum Sýn í upphafi árs í fyrra var hann með 1.344.725 kr í laun á mánuði miðað við greitt útsvar. Það er umtalsverð hækkun frá fyrra ári þegar hann var með 907 þúsund krónur á mánuði. Segja má að aðförin að honum hafi misheppnast og staða hans mun betri utan Sýnar …