Haraldur Ingi Þorleifsson, fyrrverandi yfirmaður hjá Twitter, er tekjuhæsti Íslendingurinn samkvæmt úttekt fjölmiðla. Hann var með hvorki meira né minna en 46 milljónir króna á mánuði í tekjur á síðasta ár eða 1,5 milljón króna á dag. Til að reikna áfram þá þénaði Halli, jafnt í svefni sem vöku, 64 þúsund krónur á klukkustund. Grunnurinn að þessum tekjum eru auðvitað störf hans fyrir Twitter. Seinna súrnaði í samstarfi Haraldar og Elon Musk sem rak hann úr starfi. Í framhaldinu áttu auðjöfurinn og launþegi hans í opinberum deilum á Twitter. Deilunum er lokið og Twitter heitir nú X.
Fáir, ef nokkur, eru betur komnir að þessum tekjum en Haraldur sem þykir vera einstakt góðmenni og beinir kröftum sínum og fjármmunum í það því að bæta aðgengi fyrir fatlaða hérlendis, auk þess að reka kaffihús og gefa út eigin tónlist. Hann sinnir flestum beiðnum aðstoð við gerð rampa en þó eru til undantekningar …