Fimmtudagur 22. september, 2022
9.1 C
Reykjavik

Hvar mega vondir vera?

Helgarviðtalið

- Auglýsing -

Orðrómur

- Auglýsing -

Að vera hundaeigandi í Reykjavík krefst þess að leyfi sé fengið frá öðrum fyrir tilverurétti sínum. Hundaeigendur eru háðir samþykki annarra fyrir flestu. Skriflegt leyfi þarf frá borginni og nágranna fyrir búsetu. Þeir njóta ekki ferðafrelsis og þeim eru settar skorður á hvaða tíma dags og þeir geta ekki nýtt almenningssamgöngur. Hundaeigendur geta ekki notið þess að setjast niður á kaffihúsi með dýrið sitt án leyfis og erfitt er um vik að fá upplýsingar um hvaða staðir hugsanlega leyfa gæludýr.

Göngutúrarnir litast af boðum og bönnum, lausaganga hunda er hvergi leyfð, og ekki má ganga með hundinn nálægt þessu matvinnslufyrirtæki eða á þessari strandlengju á sumrin.

Leiksvæðin eða tilgreindu hundasvæðin sem hundaeigendur greiða fyrir með gjöldum, eru fátækleg og fá. Geirsnefið sem á toppnum trónir: Torflagðir ruslahaugar þar sem ófáir hundar hafa slasað sig á loppum og kviði vegna brotajárns sem stendur upp úr grasinu. Svæðið er samt sem áður á góðum stað, Elliðaárnar faðma blettinn og sundóðir hunda njóta þess að dýfa sér til sunds – nema á sumrin, þá er sund bannað og dýrin eiga að sýna veiðimönnum tillit og víkja. Vissast að hafa hundinn í taumi þar líka – þangað til svæðið breytist í byggingarland.

Að sjálfsögðu má sleppa við margt af þessu séu eigendurnir þeim mun efnaðri og geti keypt sér séreignir á borð við einbýlishús, sumarhúsalóðir og bíla.

Undirrituð er einn þessara hundaeiganda. Ég kaus barnleysi og valdi mér sjálf þetta hundalíf, en ég bíð eftir þeim degi að fólkið í húsinu banki upp á og falist eftir leyfi mínu fyrir barni í húsinu.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Í fréttum er þetta helst...

- Auglýsing -