Föstudagur 27. maí, 2022
12.1 C
Reykjavik

Síðast, en ekki síst

Helgarviðtalið

- Auglýsing -

Orðrómur

- Auglýsing -

Örvunarskammturinn svonefndi er mikið ræddur þessa dagana, sem og omikron-afbrigði Covid-vírussins alræmda. Almenningur er hvattur til að „þiggja“ örvunarskammtinn (les 3. bólusetningu) og jafnvel hljóta fyrir vikið umbun í formi frelsis sem áður taldist sjálfgefið. Þórólfur sóttvarnalæknir segir í einu minnisblaði að skoða megi, að „[u]ndanskilja þá sem fengið hafa örvunarskammt frá fjöldatakmörkum og hraðgreininga- eða PCR prófum fyrir viðburði.“ Hver veit nema Covid-lotterí sé á næsta leiti; fyrsti vinningur Tesla að eigin vali.

Ég hef ekki nokkra trú á að Covid-vírusinn og bólusetning gegn honum sé hluti af allsherjar samsæri hóps fjárplógsmanna og ættingja þeirra, fyrirtækja og/eða stjórnvalda, EN ég skil ekki hví jafn mikil áhersla, og raun ber vitni, er lögð á bólusetningu.

Skoðun mína byggi ég á þeirri staðreynd að bólusetning virðist sáralítil áhrif hafa; grímuskylda, spritt, fjöldatakmarkanir eru enn við lýði. Sjálfur hef ég farið tvisvar í bólusetningu en sannfæring yfirvalda um ágæti þeirra er ekki meiri en svo að ég þarf engu að síður að hvort tveggja framvísa nýju neikvæðu hraðprófi og setja upp grímu hyggist ég sækja einhvern viðburð.

Nú virðist ljóst að bóluefni Pfizer, til dæmis, virðist veita litla vörn gegn omikron-afbrigðinu, sem í þokkabót er talið mun hættuminna en önnur afbrigði Covid hvað einkenni áhrærir, en ívið öflugra hvað smit varðar.

Um örvunarskammtinn er sagt að hann veiti allt að 90% betri vörn gegn vágestinum en bólusetning 2, hressingarskammturinn, en mig minnir að slíkt hið sama hafi verið sagt um 2. bólusetningu með tilliti til þeirrar fyrstu á sínum tíma.

Vert er að taka fram að þekking mín á Covid er engin og lítið veit ég um innihaldsefni bóluefna, en það kemur ekki í veg fyrir að ég hafi skoðun á hvoru tveggja. Þessa skoðun mína þarf enginn að virða, en virða skal rétt minn til að hafa þessa skoðun eða aðrar.

- Auglýsing -

Að lokum; þegar forstjóri Pfizer, Albert Bourla, segir að sá möguleiki sé fyrir hendi að fólk þurfi að fá bólusetningu árlega til að viðhalda vernd gegn kórónuveirunni, þá renna á mig tvær grímur.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Í fréttum er þetta helst...

- Auglýsing -