Formkökur standa alltaf fyrir sínu. Það er auðvelt að skella í formkökur og hráefnið í þær er þannig að það er iðulega til á heimilinu. Hér eru nokkrar uppskriftir að klassískum og gómsætum formkökum sem tekur stutta stund að hræra í.
Möndlukaka
12-14 sneiðar
7 dl hveiti
1 tsk. lyftiduft
½ tsk. matarsódi
1 tsk. salt
250 g smjör við stofuhita
4 dl sykur
4 egg
korn úr einni vanillustöng
1 tsk. möndludropar
3 dl rjómi
Hitið ofninn í 175°C. Blandið hveiti, lyftidufti, matarsóda og salti vel saman í skál. Hrærið sykur og smjör saman í annarri skál þar til það er létt og kremkennt. Bætið eggjum saman við, einu í einu, og loks vanillukornum og möndludropum. Bætið rjóma og hveitiblöndu við smjörblönduna til skiptis og hrærið þar til deigið er samfellt. Setjið í smurt form og bakið í 50-60 mínútur eða þar til prjónn sem stungið er í miðju kökunnar kemur hreinn upp.
Bráð
2 dl flórsykur
¼ tsk möndludropar
vatn
matarlitur ef vill
Byrjið á því að setja möndludropa saman við flórsykur og bætið svo örlitlu í einu af vatni við flórsykurinn þar til þykktin er hæfileg. Bætið örsmáum dropa af matarlit við ef vill og hrærið. Bætið við meiri lit ef þið viljið hafa bráðina litsterka.
Marmarakaka
10 sneiðar
200 g smjör, mjúkt
200 g sykur
3-4 egg (eftir stærð)
200 g hveiti
1 tsk. lyftiduft
1 tsk. vanilluessens eða 2 tsk. vanilludropar
3 msk. kakó
2 msk. mjólk
Hitið ofninn í 175°C. Hrærið saman smjör og sykur þar til blandan er létt og kremkennd. Bætið eggjum út í, einu í einu, hrærið vel saman. Blandið saman hveiti og lyftidufti og sigtið út í eggjablönduna. Hrærið saman ásamt vanilluessens. Takið 1/3 hluta frá af deiginu og sigtið kakó út í. Hrærið saman og vætið í með mjólkinni. Smyrjið eða klæðið formkökumót með smjörpappír. Setjið helminginn af ljósa deiginu á botninn á forminu, setið dökka deigið ofan á og afganginn af ljósa deiginu efst. Takið prjón og hrærið aðeins í deiginu með honum. Bakið kökuna í 60 mínútur. Kælið aðeins og losið síðan varlega úr forminu.
Umsjón / Katrín Rut Bessadóttir
Stílisti / Hanna Ingibjörg Arnarsdóttir