Sunnudagur 2. október, 2022
8.8 C
Reykjavik

Gómsætar bollur með mokkakremi

Helgarviðtalið

- Auglýsing -

Orðrómur

- Auglýsing -

Nú styttist í bolludaginn og að því tilefni deilum við uppskrift að gómsætum bollum með mokkakremi. Þessar ættu að slá í gegn hjá öllum kaffiunnendum.

Mokkakrem

2 dl rjómi
1 ½ dl mjólk
4 msk. sykur
salt á hnífsoddi
1 ½ tsk. skyndikaffiduft
3 eggjarauður
1 ½ msk. maizena-mjöl
2 msk. kalt smjör
½ tsk. vanilluduft eða dropar

Setjið rjóma, mjólk, sykur og salt saman í pott að hitið varlega að suðu. Bætið kaffidufti saman við og látið það leysast upp. Pískið saman eggjarauður og maizena-mjöl og hellið heitri rjómablöndunni saman við eggjablönduna í mjög litlum skömmtum og pískið vel. Hellið blöndunni aftur í pottinn, hitið varlega við meðalhita og pískið stöðugt þar til blandan fer
að þykkna.

Setjið kremið í skál og látið plastfilmu þétt upp að þannig að ekki myndist skán. Látið kremið kólna alveg.

Setjið bollunar saman með mokkakremi, þeyttum rjóma (ef vill) og gjarnan súkkulaðispæni. Setjið súkkulaðikrem ofan á. Eins passar vel að setja svolítið af karamellusósu inn í eða ofan á bolluna.

Súkkulaðikrem

1 dl rjómi
100 g suðusúkkulaði, saxað

- Auglýsing -

Setjið súkkulaði í skál. Hitið rjóma að suðu og hellið yfir súkkulaðið. Látið standa í nokkrar mín. og hrærið síðan saman.

Gerbollur
10-12 stk.

20 g ferskt pressuger eða 2 tsk. þurrger
1 ½ dl volg mjólk
1 egg
50 g mjúkt smjör
50 g sykur
350 g hveiti
4-5 msk. mjólk til að pensla með

Það má gjarnan gera deigið daginn áður en á að baka það og geyma það í kæliskáp.

- Auglýsing -

Myljið pressugerið eða sáldrið þurrgeri út í mjólkina, bætið 1 tsk. af sykrinum og 2 msk. af hveitinu út í og hrærið saman. látið standa í 15 mín. Bætið eggi og smjöri út í og blandið saman. Blandið sykri, hveiti og sítrónuberki saman, bætið því út í gerblönduna og hnoðið vel saman.

Látið deigið lyfta sér á hlýjum stað í 30 mín. Mótið bollur og raðið þeim á smjörpappírsklædda ofnplötu. Penslið bollurnar með mjólk. Látið þær lyfta sér aftur í 20-30 mín.

Hitið ofninn í 220°C. Bakið bollurnar í um 15 mín.

Umsjón / Sigríður Björk Bragadóttir og Kristín Dröfn Einarsdóttir
Stílisti / Hanna Ingibjörg Arnardóttir
Myndir / Hákon Davíð Björnsson

Gestgjafinn er vandað fagtímarit um mat, vín og ferðalög. Allar uppskriftir í matarþáttum blaðsins eru þróaðar, eldaðar og prófaðar í tilraunaeldhúsi Gestgjafans. Blaðið fæst í öllum helstu matvöruverslunum og bókabúðum en einnig er hægt að gerast áskrifandi í vefverslun.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Í fréttum er þetta helst...

- Auglýsing -