Þessi er algjörlega ómótstæðileg fyrir sælkera og ekki skemmir fyrir að hana er tiltölulega einfalt að gera.
Kókoskaka með karamellu
150 g hveiti, sigtað
40 g kókosmjöl
90 g púðursykur
220 g ósaltað smjör, mjúkt
75 g rifið kókos (coconut flakes)
90 g hafrar
115 g gyllt síróp (golden syrup)
360 g dulce de leche, við notuðum frá Stonewall Kitchen
þeyttur rjómi, til að bera fram með ef vill
Hitið ofn í 180°C. Setjið hveiti, kókosmjöl, sykur og 140 g af smjöri í skál og hrærið saman þar til blandan líkist grófri brauðmylsnu, hér er gott að nota hendurnar. Smyrjið 20 cm kökuform og klæðið með smjörpappír. Hellið deiginu í formið og þrýstið niður á það með bakhliðinni á skeið.
Bakið í 20-25 mín. Látið kólna í 10 mín. Setjið rifna kókosið, hafra, síróp og restina af smjörinu í skál og hrærið saman. Hellið dulce de leche yfir botninn í forminu og hellið kókos-hafrablöndunni yfir. Bakið í 20-25 mín. Látið kökuna kólna alveg áður en hún er skorin og borin fram með rjóma ef vill.
Umsjón / Folda Guðlaugsdóttir
Stílisti / Hanna Ingibjörg
Mynd / Hákon Davíð