- Auglýsing -
Stundum er ekki nauðsynlegt að standa fyrir framan hrærivélina tímunum til að leggja eftirrétt á borðið. Margir hafa nauman tíma til stefnu eða vilja verja honum í annað. Hér er geggjað tíramísú sem hægt er að gera á aðeins 15 mínútum.
Skyndi-tíramísú
fyrir 4
2 dl heitt uppáhellt kaffi
2 msk. sykur
3 msk. romm eða marsala-vín, má sleppa
500 g mascarpone-ostur
150 g niðursoðin mjólk (sweetened condensend milk)
1½ tsk. vanilludropar
4-8 fingrakökur, skornar í tvennt
kakó, til að sáldra yfir réttinn
Hrærið saman sykur og kaffi þar til sykurinn leysist upp, setjið til hliðar og látið kólna aðeins. Hrærið rommið saman við ef notað. Þeytið saman mascarpone-ost, niðursoðna mjólk og vanilludropa. Dýfið fingrakökunum ofan í kaffiblönduna. Leggið fingrakökurnar ofan í fjórar skálar eða glös, skiptið ostablöndunni á milli glasa og sáldrið kakódufti yfir, endurtakið til að búa til tvær hæðir.
Umsjón / Nanna Teitsdóttir Mynd / Hallur Karlsson