Milljónir manna víða um heim hafa horft á TikTOk-myndband Arnars Gauta sem tekið er upp á B5 skemmtistaðnum. Erlendur notandi á Twitter sem kallar sig Kirtash deilir myndbandinu þar. Það er undir yfirskriftinni „Svona nálgast þú tíkur“ í lauslegri þýðingu.
Nú er myndbandið með á þriðju milljón áhorfa og því ljóst að það fer eins og eldur um sinu. Sá sem deildi myndbandinu fyrst kallar sig lilcurlyhaha, öðru nafni Arnar Gauti. Hann var í viðtali við Vísi fyrir nokkrum mánuðum og ræddi velgegni sína á TikTok. Arnar Gauti er með hundruð þúsunda fylgjenda á samfélagsmiðlinum og er stór hluti þeirra útlendingar.
Það var einmitt plötusnúðamyndband hans frá B5 sem ruddi honum brautina á TikTok en meira en 10 milljónir mann hafa skoðað það í dag. Hið nýja myndband er eins og áður sagði tekið inni á B5 og sýnir hártoganir á nokkrum stúlkum og það gefið í skyn að þetta sér rétta leiðin til þess að ná sér í þessar stelpur, sem virðast ekki mikið eldri en tvítugar.
Arnar hafði orð á því sjálfur í viðtalinu við Vísi að það væru aðallega krakkar sem nota TikTok. „Þetta er svolítil sýra fyrir eldra fólkið því þetta eru bara svona krakkar inni að fylgjast með þessu. Það sem mér finnst fyndið, ef ég set það inn þá verður það ekkert vinsælt, ég þarf að setja bara inn einhvern svona trending dans sem mér finnst kannski ekkert fyndinn en virkar,“ sagði Arnar.
That’s the proper way you approach a bitch. pic.twitter.com/EENr265uRa
— Kirtash (@esencia_clasica) August 17, 2020