Fjölskylda í Las Vegas hringdi á dögunum í neyðarlínuna en neyðin var öðruvísi en starfsmaður línunnar hafði áður aðstoðað með. Í bakgarðinu voru geimverur.
8 News Now sagði frá því að á dögunum hafi neyðarlínunni í Las Vegas Bandaríkjunum, borist furðulegt símtal. Á hinum endanum var ungur maður sem sagði að eitthvað hafi hrapað í bakgarð fjölskyldu hans og að nú væru afar hávaxnar verur að horfa á þau. Lýsti hann verunum sem stóreygðum og á milli 2.43 til 3.05 metrar á hæð. „Ég er ekki að grínast!“. Sagðist hann telja að þær væru geimverur. „Þær eru alls ekki mennskar!“
Lögreglumenn voru sendir á svæðið en annar þeirra hafði einmitt tekið eftir skæru ljósi sem virtist hrapa niður í borginni. Þegar lögreglan mætti á vettvang voru verurnar hvergi að sjá.
Í myndbandi sem fréttastöðin sýndi og var tekið af öðrum lögreglumanninum, sést hann tala við fjölskylduna en þegar hann gengur í bakgarðinn er myndbandið blokkerað og sagt að það væri vegna þess að um einkaeign væri að ræða. Málið er þó þannig að bílastæðið fyrir framan húsið er líka í einkaeign en það var sýnt í myndbandinu. Verður blokkeringin því að teljast nokkuð grunsamleg.
Hér fyrir neðan má sjá fréttina: