Nokkuð hefur verið fjallað um að Titan kafbátur OceanGate sem fórst með 5 manns innanborðs hafi verið stýrt með Logitech leikjafjarstýringu og meðal annars sáu feðgarnir Jay og Sean Bloom það sem rautt flagg og hættu við ferð sína með farinu á síðustu stundu skv. TMZ.
TikTok notandinn @betterneverthanlate sendi frá sér hæðnislegt myndband þar sem hann segist heita John Logitech og ræður fólki frá því að nota fjarstýringar Logitech við að stýra raunverulegum kafbátum en tiltekur þó að fjarstýringarnar séu mjög góðar sem slíkar.
Myndbandið, sem er á ensku, má sjá hér.
Margir virðast hafa misskilið spaugið og haldið að þarna væri kominn raunverulegur framkvæmdastjóri Logitech en fyrir vikið fann TikTokkarinn sig knúinn til að biðjast afsökunar og leiðrétta misskilninginn.