Föstudagur 12. júlí, 2024
11.1 C
Reykjavik

Barnsfaðir Eddu vill syni sína heim til Noregs: „Saknæmt athæfi“

VefTv

- Auglýsing -

Hlaðvörp

- Auglýsing -

Faðir drengjanna sem fara huldu höfði hér á landi, vill fá þá heim til Noregs.

Leifur Runólfsson, lögmaður barnsföður Eddu Bjarkar Arnardóttur, hefur sent fjölmiðlum yfirlýsingu þar sem hann fer fram á að drengjunum verði skilað til föðurs þeirra. Edda Björk, móðir þeirra, var handtekin í gær en ekki liggur fyrir hvar drengirnir eru niðurkomnir.

„Undirritaður er lögmaður föður í máli sem hefur verið í fjölmiðlum iðulega verið kennt við norsku drengina. Í gær var móðir drengjanna handtekin. Þess má geta að drengirnir voru ekki með móður er hún var handtekin,“ segir í yfirlýsingunni.

Þá vilji faðirinn ekki fara með deilurnar í blöðin, barnanna vegna, þrátt fyrir að móðirin hafi farið ítrekað í málið í fjölmiðla og greint einhliða frá málinu. Búið sé að úrskurða í málinu, bæði á Íslandi og í Noregi og ávallt í hag föðurs.

„Það er nauðsynlegt að þessir drengir finnist sem fyrst. Þá ber að geta þess að fólk sem er með þessa drengi í sinni umsjón er að brjóta íslensk hegningarlög og það má búast við að fá á sig kæru vegna þess.

Þá er einnig ljóst að sá sem reynir að villa um fyrir yfirvöldum, til dæmis með „statusum“ eða myllumerkinu: „Drengirnir eru hjá mér“ eða álíka er ekki síður alvarlegt og saknæmt athæfi. Með vísan til framangreinds og að endingu myndi undirritaður því vilja biðla til almennings sem hafa einhverja vitneskju um dvalarstað drengjann að hafa samband við lögreglu.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -