Laugardagur 3. desember, 2022
-0.2 C
Reykjavik

Björn segir íslenskan milljónamæring traðka á fólki: „Satt að segja finnst mér það ógeðslegt“

Helgarviðtalið

- Auglýsing -

Orðrómur

- Auglýsing -

Samfélagsrýnirinn úr Grindavík, Björn Birgisson, segir það afskaplega sérkennilegt að framkvæmdastjóri SA, Samtaka atvinnulífsins, sé með 4,5 milljónir króna í mánaðarlaun, á sama tíma og hann traðki á þúsundum íslenskra launþega í landinu. „Satt að segja finnst mér það ógeðslegt,“ segir Björn.

|
Halldór Benjamín Þorbergsson

Í nýjum pistli sínum á Facebook fer Björn yfir það hvað það er sem honum finnst ógeðfelld við störf Halldórs Benjamíns Þorbergssonar framkvæmdastjóra. Við skulum hreinlega gefa Birni orðið:

„Hvern virkan dag í hverjum mánuði allt árið þénar Halldór Benjamín Þorbergsson um 225 þúsund krónur. Honum er greitt kaup fyrir að halda kaupi annarra niðri. Hann fær gífurlega vel greitt, sem bendir til þess að hans launagreiðendur séu ánægðir með þau störf hans.
Það er afskaplega sérkennilegt að maður með 4,5 milljónir á mánuði sé að djöflast í því að halda þúsundum launþega við eða rétt undir reiknuðum framfærslukostnaði í landinu.
Ekki hefði ég lyst á að ræða launa og kjaramál við svona mann, sem hiklaust lýgur til að fegra málstað sinna launagreiðenda, ef marka má yfirlýsingu Vilhjálms Birgissonar í gær, þar sem honum var heitt í hamsi og krafðist þess að Halldór Benjamín bæðist afsökunar á lygum sínum.
Efling fer fram á 167 þúsund í launahækkun á næstu þremur árum. Það er 58 þúsund krónum lægri upphæð en sem nemur daglaunum montpriksins og sperrileggsins Halldórs Benjamíns Þorbergssonar. Þeim sem finnst eitthvað eðlilegt við þetta bendi ég á að leita til læknis.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -